ភ្នំពេញ ៖ ស្ត្រីម្នាក់ជាជនជាតិចិនបើករថយន្តក្នុងល្បឿនយ៉ាងលឿនស្ថិតក្នុងស្ថានភាពស្រវឹងជោកជាំបានបើករ៉េចង្កូតទៅបុកស្លាកសញ្ញាបង្គោលភ្លើងនឹងបុកដើមត្របែកព្រៃមួយដើមបណ្តាលអោយរងការខូចខាតយ៉ាងដំណំ។

ហេតុការណ៍នេះបានកើតឡើងកាលពីវេលាម៉ោង
១០នឹង00នាទីយប់ថ្ងៃទី២០ខែកុម្ភះឆ្នាំ២០១៩ តាមបណ្តោយផ្លូវព្រះនរោត្តមនៅចំណុចមុខធានាគារជាតិស្ថិតនៅក្នុងសង្កាត់ផ្សារថ្មី១ខណ្ឌដូនពេញ។

តាមប្រភពពត៌មានពីសាក្សីដែលឃើញហេតុ ការណ៍បានអោយដឹងថាមុនពេលកើតហេតុគេបានឃើញស្ត្រីជាជនជាតិចិនម្នាក់វ័យប្រហែលជា៣០ឆ្នាំបើករថយន្តបង្កមួយគ្រឿងម៉ាកឡិច សុីសRX300ពណ៌ស្ករពាក់ស្លាកលេខភ្នំពេញ 2AO-5183បើកបរតាមបណ្តោយផ្លូវព្រះនរោត្តមក្នុងទិសដៅពីជើងទៅត្បូងខណៈបើកមកដល់ចំណុចកើតហេតុខាងលើនេះដោយសារតែម្ចាស់រថយន្តបង្កស្រវឹងស្រាហើយបើកលឿនស្របពេលនោះដែរមានរថយន្តមួយគ្រឿងមិនចាំម៉ាកបើកវ៉ាកាត់មុខហើយម្ចាស់រថយន្តគាត់ក៏គេចមកស្តាំជ្រុលចង្កូតមកបុកស្លាកសញ្ញាចរាចរណ៍បាក់អស់មួយស្លាកនឹងបង្គោលភ្លើងចំនួនមួយដើមភ្លាមៗនោះដែររថយន្តបង្កមិនទាន់អស់ល្បឿនបានជ្រុលទៅបុកដើមត្របែកព្រៃទៅមុខលែងរួចចំណែកឯរថយន្តវិញខូចខាតខ្ទេចអស់មួយកំណាត់ខាងមុខនឹងផ្ទុះពោងសុវត្ថិភាពទាំងសងខាងសំណាងល្អហើយដែលម្ចាស់រថយន្តមិនមានរងរបួសគ្រាន់តែ ខូចខាតព្រទ្យសម្បត្តិខ្លួនឯងនឹងព្រទ្យសម្បត្តិរដ្ឋតែប៉ុណ្ណោះរួមនឹងមិនបង្កអោយគ្រោះទៅដល់អ្នកដ៏ទៃនោះឡើយរីឯម្ចាស់ត្រូវបានសមត្ថកិច្ចធ្វើការឃាត់ខ្លួនយកទៅសួរនាំនៅឯប៉ុស្តិ៍នគរបាលរដ្ឋបាលផ្សារថ្មី១ផងដែរ។

ក្រោយពេលកើតហេតុរថយន្តបង្កត្រូវបានសមត្ថ កិច្ចធ្វើការវាសវេងស្ទូចយកទៅរក្សាទុកនៅការិយា ល័យចរាចរណ៍ផ្លូវគោកដម្បីសោះស្រាយនៅពេលក្រោយ៕ធឿនព្រែកជ័យ