ភ្នំពេញ៖ សង្សារមួយគូបានផឹកទឹកត្នោតជូស្រវឹងហើយបង្កជាជម្លោះឈ្លោះគ្នាដោយភាគីខាងបុរសបានហៅនារីជាសង្សាអោយចូលក្នុងរថយន្តដើម្បីជួនទៅផ្ទះតែនារីនោះមិនព្រមទៅទើបបណ្តាលអោយមានជម្លោះកើតឡើងតែម្តង ។

ការផ្ញាក់ផ្អើលនេះបានកើតឡើងកាលពីវេលាម៉ោង១១ និង៤០នាទីថ្ងៃទី៩ ខែធ្នូ ឆ្នាំ២០១៥ នៅចំណុចភូមិជ្រេស សង្កាត់ភ្នំពេញថ្មី ខណ្ឌសែនសុខ ។

សមត្ថកិច្ចបានអោយដឹងថាបុរសដែលជាសង្សារមានឈ្មោះ មឿន មុខរបរគគ់ជេដី ស្នាក់នៅសង្កាត់ភ្នំពេញថ្មី ចំណែកនារីនោះមិនស្គាល់អត្តសញ្ញាណទេ គ្រាន់តែដឹងថាស្នាក់នៅព្រែកលៀប ខណ្ឌជ្រោយចង្វា ។

តាមការអោយដឹងពីបុរសជាសង្សារនោះបានអោយដឹងថានៅមុនពេលកើតហេតុនារីជាសង្សារសប់គាត់បានមកផឹកសុីទឹកត្នោតជូនៅម្តុំមិជ្រេស សង្កាត់ភ្នំពេញថ្មី លុះដល់នាងស្រវឹងបានទូរស័ព្ទហៅគាត់អោយមកជួនទៅផ្ទះពេលដែលគាត់មកដល់ក៏អង្គុយផឹកសុីជាមួយគ្នាដោយឃើញនាងស្រវឹងគាត់ក៏ហៅអោយចូលក្នុងរថយន្តរបស់គាត់ម៉ាកលុចសុីសRX300ពណ៍សពាក់ស្លាកលេខ 8119 ក្នុងបំណងជួនទៅផ្ទះតែដោយសារនាងស្រវឹងហើយនៅចង់ផឹកបន្តទើបគាត់ទាញដៃអោយចូលរថយន្តត្រូវក្បាលបន្តិចហើយក៍ធ្វើដំណើចេញទៅដល់ចំណុចផ្លូវលំ ស្ថិតក្នុងភូមិសំរោងទៀវនាងក៍ខលទូរស័ព្ទប្តឹងសមត្ថមានករណីចាប់វាយនារីចូលឡានទើបធ្វើអោយផ្អើលសមត្ថកិច្ចស្ទើរមួយខណ្ឌចេញរុករកហើយក៍ប្រទេះឃើញនៅចំណុចខាងលើទើបដឹងរឿងថាគ្រាន់តែឈ្លោះគ្នាប៉ុណ្ណោះមិនមែនដូចនាងប្តឹងទេ ។

ប្រភពពីសមត្ថកិច្ចបានអោយដឹងថាបន្ទាប់ពីទទួលបានព័ត៌ថាមានករណីវាយនារីម្នាក់អោយចូលឡានភ្លាមលោក ម៉ក់ ហុង អធិការនគរបាលខណ្ឌសែនសុខបានបញ្ជាអោយកម្លាំងចេញស្វែងរកនៅចំណុចខាងលើប៉ុន្តែអ្វីដែលហួសចិត្តនោះនៅពេលកម្លាំងសមត្ថកិច្ចទៅដល់ស្រាប់តែនារីនោះប្រាប់ថាគ្មានរឿងអីទេគ្រាន់តែឈ្លោះគ្នាតិចតួចប៉ុណ្ណោះ ក្រោយមកសមត្ថកិច្ចក៍អោយទៅផ្ទះវិញរៀងៗខ្លួន ៕

ដោយ៖ តុង សីហា