ខេត្តត្បូងឃ្មុំ ៖ បុរសម្នាក់ត្រូវបាននគរបាលចាប់ឃាត់ខ្លួនជាមួយនឹងថ្នាំញៀនចំនួន១៧កញ្ចប់ នៅពេលបុរសរូប នេះកំពុងធ្វើសកម្មភាពចែកចាយបន្ត នៅចំណុចភូមិរោងចក្រស្ករ ឃុំត្រមូង ស្រុកមេមត់ខេត្តត្បូងឃ្មុំ កាលពីវេលា ម៉ោង៦ និង៤៥នាទី ល្ងាចថ្ងៃទី២៦ ខែកុម្ភៈ ឆ្នាំ ២០១៩ ។
មន្ត្រីកម្លាំងនគរបាលផ្នែកជំនាញប្រឆាំងបទល្មើសគ្រឿងញៀន នៃអធិការដ្ឋាននគរបាលស្រុកមេមត់បានឲ្យដឹង ថា ជននេះ ឈ្មោះ លី លាងហេង ភេទប្រុស អាយុ៣៣ឆ្នាំ ជាតិខ្មែរ នៅភូមិ-ឃុំកើតហេតុខាងលើ ហើយឆែកឆេររកឃើញ និងដកហូតវត្ថុតាងម្សៅក្រាម ពណ៌សថ្លាសង្ស័យថាជាសារធាតុញៀនចំនួន១៧កញ្ចប់ ។ នគរបាលថា ជនសង្ស័យត្រូវបានចាប់ខ្លួននៅចំណុខាងលើ ។
ជនសង្ស័យនិងវត្ថុតាងត្រូវបានកម្លាំងជំនាញកសាងសំណុំរឿងបញ្ជូនទៅតុលាការខេត្តត្បូងឃ្មុំ ដើម្បីផ្តន្ទាទោសដាក់ពន្ធនាគារតាមនីតិវិធីច្បាប់ ៕ ដោយ ៖ វណ្ណៈ
...
