ខេត្តស្វាយរៀងះ ជនសង្ស័យជាជនជាតិវៀតណាមម្នាក់ត្រូវបានសមត្ថកិច្ចនគរបាលប៉ុស្ត៏រដ្ឋបាលធ្វើការឃាត់ខ្លួន​មកសាកសួរពាក់ពន្ធ័ករណីប្រទូស្តកេរ្តិ៍ខ្មាសពីស្ត្រីកម្មករសំណង់ម្នាក់ខណះកំពុងដេកក្នុងបបន្ទប់ ។

ហេតុការណ៏នេះបានកើតឡើងកាលពីថ្ងៃព្រហស្បត្តិ៩រោចខែមាឃឆ្នាំចសំរិទ្ធិស័ក.ព.ស ២៥៦២ត្រូវនិងថ្ងៃទី២៨

ខែកុម្ភះឆ្នាំ២០១៩វេលាម៉ោង៥និង៣០នាទីព្រឹកនៅការដ្ឋានសំណង់ស្ថិតក្នុងភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង។

យោងតាមសមត្ថកិច្ចនគរបាលក្រុងបាវិតបានអោយដឹងថាជនសង្ស័យដែលឃាត់ខ្លួនមានឈ្មោះទ្រឿង យុាំងបែ័រអាយុ៥៩ឆ្នាំជនជាតិវៀតណាមកាន់លិខិតឆ្លងដែនលេខB7455364មានទីលំនៅភូមិបាមី ឃុំតាំងង៉ាយ  ស្រុកកូវង៉ា  ខេត្តត្រាវិញប្រទេសវៀតណាម។  ចំណែកស្ត្រីរងគ្រោះមានឈ្មោះប៉ាង យ៉ា អាយុ៣៥ឆ្នាំជនជាតិខ្មែរមុខរបរកម្មករសំណង់មានទីលំនៅភូមិព្រៃតាយឹង  ឃុំប្រសូត្រ  ស្រុកស្វាយទាបខេត្តស្វាយរៀង។

ប្រភពបន្តថាមុនកើតហេតុស្ត្រីរងគ្រោះបានដេកក្នុងបន្ទប់ដែលស្នាក់នៅការដ្ឋានសំណង់មួយកន្លែងស្ថិតក្នុងភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀងខណះនោះស្រាប់តែមានជនសង្ស័យបានចូលក្នុងបន្ទប់ហើយក៏ធ្វើសកម្មភាពថើបនិងប្រទូស្តកេរ្តិ៍ខ្មាសបង្កការភ្ញាក់ផ្អើលឡើងនិងរាយការណ៏មកសមត្ថកិច្ចមកអន្តរាគមន៏និងឃាត់ខ្លួនបានតែម្ដង។

បច្ចុប្បន្នជនសង្ស័យត្រូវបានសមត្ថកិច្ចឃាត់ខ្លួនជាបណ្តោះអាសន្ននៅប៉ុស្តិ៍នគរបាលរដ្ឋបាលបាវិតដើម្បីក៍សាងសុំណុំរឿងបញ្ជួនទៅការិយាល័យនគរបាលជំនាញដើម្បីចាត់ការបន្តតាមច្បាប់ ៕