ភ្នំពេញ​ ៖​ បុរសម្នាក់ស្លាប់ភ្លាមៗនៅកន្លែង ខណះកំពុងជិះម៉ូតូលឿមិនប្រយ័ត្នជ្រុលទៅបុករថយន្តមិនចាំម៉ាកមួយគ្រឿងចំពីក្រោយពេញទំហឹងកាលពីវេលាម៉ោង១១និង៣០នាទីយប់ថ្ងៃទី០៩ ខែមិនា ឆ្នាំ២០១៩ ស្ថិតនៅលើ​កំណាត់ផ្លូវជាតិលេខ៤ ភូមិត្រពាំងទួល សង្កាត់កំបូល ខណ្ឌពោធិ៍សែនជ័យ ហេីយរថយន្តបង្កបានបេីកគេចខ្លួនបាត់។

ជនរងគ្រោះខាងលើឈ្មោះ ស៊ុង គឹមស្រៀង ភេទប្រុសអាយុ៣៩ឆ្នាំ មានទីលំនៅ ភូមិទែន ឃុំដើមឫស្ស ស្រុកកណ្តាលស្ទឹង ខេត្តកណ្តាល ។

តា​មសាក្សីបានឲ្យដឹងថា​ មុនពេលកេីតហេតុគេបានឃេីញបុរសម្នាក់ជិះម៉ូតូមួយគ្រឿងម៉ាក សេ១២៥ សេរី​២០០៥ ពណ៌ខ្មៅ ពាក់ស្លាកលេខកណ្តាល1C-5372 ក្នុងទិសដៅពីកើតទៅលិច លុះមកដល់ចំណុចកេីតហេតុបានជ្រុលទៅបុកពីក្រោយ រថយន្តមួយគ្រឿង មិនចាំម៉ាក ទិសដៅស្របគ្នា បណ្តាលឲ្យស្លាប់ម្នាក់ឯង រថយន្តបានរត់គេចទៅបាត់ ។

ក្រោយកើតហេតុ ជនរងគ្រោះ ដោយសារសាច់ញាតិមិនអស់ចិត្ត ដឹកយកទៅមន្ទីដើម្បីសង្រ្គោះតែអកុសល្យជនរ​ងគ្រោះបានស្លាប់បាត់ទៅហើយ​ បន្ទាប់មកសមត្ថកិច្ចក៏បានចុះពិនិត្យជាក់ស្តែងរួចក៏ប្រគល់សពទៅក្រុមគ្រួសារ​យកទៅធ្វេីបុណ្យតាមប្រពៃណី​ ៕ សុខាសែនជ័យ