ភ្នំពេញ៖ យុវជន២នាក់បានរងរបួសធ្ងន់ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ ខណៈពួកគេជិះម៉ូតូហុងដាសេ១២៥មួយគ្រឿងឌុបគ្នា ហើយត្រូវបានរថយន្តព្រូសបើកបុកត្រង់ចំណុចផ្លូវកែង ។
កាលពីវេលាម៉ោង០០និង១០នាទីរំលងអធ្រាត្រ ឈានចូលថ្ងៃទី១១ ខែធ្នូ ឆ្នាំ២០១៥ នៅចំណុចមុខស្ថានីយ៍តេលា តាមបណ្តោយផ្លូវលេខ8 BT កែងផ្លូវលេខ77BC ស្ថិតក្នុងភូមិចំចម្រើនផល សង្កាត់បឹកទំពុន ខណ្ឌមនជ័យ។
តាមសាក្សីនៅកន្លែងកើតហេតុបានអោយដឹងថា នៅមុនពេលកើតហេតុ គេបានឃើញយុវជន២នាក់ជិះម៉ូតូហុងដាសេ១២៥ មួយគ្រឿងពណ៍ខ្មៅ ពាក់ស្លាកលេខភ្នំពេញ1AO 8167 ធ្វើដំណើរតាមបណ្តោយផ្លូវលេខ8BT ក្នុងទិសដៅពីលិចទៅកើត ខណៈមកដល់ចំណុចផ្លូវកែងលេខ77BC ស្រាប់មានរថយន្តមួយគ្រឿងម៉ាកព្រូស ពណ៍ខ្មៅ ពាក់ស្លាកលេខភ្នំពេញ2Z 4064 ធ្វើដំណើរតាមបណ្តោយផ្លូវលេខ77BC ក្នុងទិសដៅពីជើងទៅត្បូងក្នុងល្បឿនលឿន បានជ្រុលបុកចំពីចំហៀងពេញទំហឹងអូសជាង១០ម៉ែត្រ បណ្តាលអោយអ្នកជិះម៉ូតូរងរបួសធ្ងន់ចំណែកម៉ូតូគាប់ជាប់ក្រោមរថយន្តរងការខូចខាត។
ក្រោយពេលកើតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យភ្លាម រីឯរថយន្តនិងម៉ូតូសមត្ថកិច្ចធ្វើវាស់វែងយកទៅរក្សាទុកនៅអធិការដ្ឋាននគរបាលខណ្ឌមានជ័យដើម្បីរងចាំដោះស្រាយពេលក្រោយ ៕
ដោយ៖ ភារ៉ា ដង្កោ
