អាជ្ញាធរចុះបិទអាជីវកម្មក្លឹបកំសាន្ត យីហោ ម៉ៃអាមី ក្នុងខណ្ឌចំការមន ទាំងយប់

ចែករំលែក៖

ភ្នំពេញ ៖ អាជ្ញាធរខណ្ឌចំការមន ដឹកនាំដោយ លោក ព្រុំ សំខាន់ អភិបាល នៃគណះអភិបាលខណ្ឌចំការមន បានចាត់វិធានការក្តៅ ចុះបិទ អាជីវកម្ម ជាលើកទី៣ចំពោះក្លឹបកំសាន្ត យីហោ ម៉ៃអាមី ដែលផ្គើននិងការណែនាំ របស់អាជ្ញាធរ ព្រមទាំង បង្ករសំលេងរំខាន ដល់បងប្អូនប្រជាពលរដ្ឋ រកដេកពូនមិនបាន ។

ការចុះផ្អាកអាជីវកម្មខាងលើនេះ បានធ្វើឡើងកាលពីវេលាម៉ោង ៨យប់ ថ្ងៃទី១៩ ខែមិនា ឆ្នាំ២០១៩ នៅក្នុងក្លឹបកំសាន្ត យីហោ ម៉ៃអាមី (MIAMI)ដែលស្ថិតនៅផ្ទះលេខ១៥៩ ផ្លូវ៣៦០ ភូមិ៨ សង្កាត់បឹងកេងកង១ ខណ្ឌចំការមន ។ ក្នុងរង្វង់ប្រតិបត្តិការនេះ បានការចូលរួម ពីលោក ព្រុំ សំខាន់ អភិបាល នៃគណះអភិបាលខណ្ឌចំការមន ព្រមទាំង អភិបាលរងខណ្ឌ និង មន្ត្រីរដ្ឋបាលខណ្ឌចំការមន រួមទាំងសមត្ថកិច្ចមូលដ្ឋានផងដែរ ។

...

បើតាមសម្តីអាជ្ញាធរខណ្ឌចំការមន បានអោយដឹងថា មុននិងអាជ្ញាធរខណ្ឌ បានចាត់វិធានការក្តៅ ចុះបិទទីតាំង ក្លឹបកំសាន្ត ខាងលើ យីហោ (ម៉ៃអាមី ) ដែលមានមេការតំណាងឲ្យក្លឹបមានឈ្មោះ ញឹម សុខឃុន ភេទស្រី ។

បន្ទាប់ពីមានពាក្យបណ្តឹងពីបងប្អូនប្រជាពលរដ្ឋថា ក្លឹបកំសាន្ត ខាងលើ តែងតែ បង្ករសំលេងរំខាន ដល់ពួកគាត់ រកដេកពូនមិនបានដោយទទួលបានពាក្យបណ្តឹង របស់បងប្អូន ប្រជាពលរដ្ឋបែបនេះ នៅថ្ងៃ៦ ខែមិនា ឆ្នាំ២០១៩ អាជ្ញាធរបានចុះទៅធ្វើការណែនាំ១លើក និងលើកទី២ នៅថ្ងៃទី៧ ខែមិនា ឆ្នាំ២០១៩ សួរនាំរកបណ្ណ័ប៉ាតង់ធ្វើអាជីវកម្ម និងលិខិត អនុញ្ញាត ពីស្ថាបន័ពាក់ពន្ធ័ គឺ ម្ចាស់ទីតាំង មិនបានបង្ហាញនោះទេ ។

មកដល់ថ្ងៃនេះផងដែរ ទីតាំងខាងលើនេះនៅតែផ្គើននិងបទបញ្ជារបស់អាជ្ញាធរខណ្ឌ នៅតែបន្ត បើកអាជីវកម្មនិងសំលេងរំខាន ដល់បងប្អូនប្រជាពលរដ្ឋទើបអាជ្ញាធរខណ្ឌចំការមន បានសហការជាមួយ មន្ទីទេសចណ៍បានចុះបិទអាជីវកម្ម ខាងលើជាស្ថាពរតែម្តង ៕ ដោយ ស រស្មី