កម្មការិនីប្រមាណ៨៤នាក់ ដួលសន្លប់បន្ដបន្ទាប់ នៅរោងចក្រកាត់ដេរឥណ្ឌូចិនអឹភែរឹលខេមបូឌា

ចែករំលែក៖

ខេត្តកណ្ដាលៈ កម្មការិនីរោងចក្រកាត់ដេរ យីហោឥណ្ឌូចិន អឹភែរឹល ខេមបូឌា ប្រមាណ៨៤នាក់ បានដួលសន្លប់បន្ដបន្ទាប់គ្នា កាលពីព្រឹកថ្ងៃទី២២ ខែមីនា ឆ្នាំ២០១៩ ដែលមានទីតាំងស្ថិតក្នុងភូមិព្រៃចាស់ ឃុំវិហារសួគ៌ ស្រុកខ្សាច់កណ្ដាល ។

មន្រ្ដីនគរបាលស្រុកខ្សាច់កណ្ដាលបានឲ្យដឹងថា កម្មករកម្មការិនីដែលធ្វើការក្នុងរោងចក្រសរុប មានចំនួន៣២៥០នាក់ ប្រុស២៦៧នាក់ រីឯកម្មការិនីដែលដួលសន្លប់បន្ដបន្ទាប់គ្នា មានចំនួន៨៤នាក់ស្រី ក្នុងស្រ្ដីមានផ្ទៃពោះ២នាក់ ។

ប្រភពដដែលបន្ដថា ក្រោយពីមានករណីកម្មការិនីដួលសន្លប់បន្ដបន្ទាប់គ្នា ភ្លាមនោះស្រ្ដីរងគ្រោះត្រូវបានកម្មកររួមការងារជាមួយគ្នា និងសមត្ថកិច្ចនគរបាលបញ្ជូនតាមរថយន្ដសាមុយទៅសង្រ្គោះបន្ទាន់នៅមន្ទីរពេទ្យបង្អែកស្រុកខ្សាច់កណ្ដាល ។

ចំពោះមូលហេតុត្រូវបានគេសង្ស័យថា ធុំក្លិនខ្យល់មិនល្អចេញពីក្នុងទុយោ ដែលជាងដែកកំពុងតែផ្សារនៅក្បែរដែលកម្មករកំពុងបម្រើធ្វើការងារ ៕ ស្អាងជ័យ

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print