កម្លាំងសម្ពន្ធមិត្តដឹកនាំដោយអាមេរិកវាយប្រហារតាមដែនអាកាសសម្លាប់មេហិរញ្ញវត្ថុក្រុមរដ្ឋអិស្លាម

ចែករំលែក៖

ប្រភពព័ត៌មានពីគេហទំព័រប៊ីប៊ីស៊ី កាលពីថ្ងៃទី១០ ខែធ្នូ ឆ្នាំ២០១៥បានផ្សព្វផ្សាយថា មេហិរញ្ញវត្ថុរបស់ក្រុមរដ្ឋអិស្លាម IS ត្រូវបានសម្លាប់ដោយការវាយប្រហារពីលើដែនអាកាសរបស់កងកម្លាំងសម្ពន្ធមិត្តដឹកនាំដោយសហរដ្ឋអាមេរិក ។

abu nabil

អ្នកនាំពាក្យរបស់កងកម្លាំងសម្ពន្ធមិត្តបានបញ្ជាក់ថា កងកម្លាំងរបស់ខ្លួនបានបើកការវាយប្រហារតាមដែនអាកាសសម្លាប់មេដឹកនាំក្រុមរដ្ឋអិស្លាមដូចជាឈ្មោះ Muwaffaq Mustafa Mohammed al-Karmoush និង aka Abu Salah ព្រមទាំងមេដឹកនាំជាន់ខ្ពស់២រូបផ្សេងទៀត ។ ប្រភពបញ្ជាក់ថា ប្រតិបត្តិការនេះបានធ្វើឡើងកាលពីអំឡុងសប្តាហ៍ថ្មីៗនេះ ។

ប្រភពមិនបានលាតត្រដាងព័ត៌មានឲ្យបានក្បោះក្បាយច្រើនជាងនេះនោះឡើយ ។

កងកម្លាំងសម្ពន្ធមិត្តបានវាយប្រហារតាមដែនអាកាសប្រឆាំងទៅលើក្រុមរដ្ឋអិស្លាមនៅក្នុងទឹកដីស៊ីរី និងអ៊ីរ៉ាក់គឺមានរយៈពេល១ឆ្នាំកន្លងមកហើយ ។ កាលពីពេលថ្មីៗនេះ មេក្រុមរដ្ឋអិស្លាមម្នាក់ក៏ត្រូវបានសម្លាប់ នៅក្នុងទឹកដីលីប៊ីផងដែរ ។

អ្នកនាំពាក្យកម្លាំងយោធាអាមេរិក លោក Steve Warren បានបញ្ជាក់អំពីការស្លាប់មេដឹកនាំក្រុមរដ្ឋអិស្លាមនោះពីរដ្ឋធានីបាដាដ ប្រទេសអ៊ីរ៉ាក់ ។ លោក Steve Warren បានអះអាងថា Abu Salah ជាឈ្មោះហៅក្រៅរបស់ឈ្មោះ Muwaffaq Mustafa Mohammed al-Karmoush ។ ឈ្មោះនេះស្ថិតនៅក្នុងបញ្ជីដែលត្រូវប្រឈមការដាក់ទណ្ឌកម្មរបស់អាមេរិក ។

ឈ្មោះនេះជាមេដឹកនាំដ៏ឆ្នើមម្នាក់របស់ក្រុមរដ្ឋអិស្លាម និងជាមេបណ្តាញគ្រប់គ្រងខាងហិរញ្ញវត្ថុរបស់ក្រុមរដ្ឋអិស្លាមផងដែរ ។ ឈ្មោះនេះបានប្រើសញ្ជាតិជាពលរដ្ឋអិរ៉ាក់ កើតនៅឆ្នាំ១៩៧៣ ៕

_87149888_024063231-1