ខេត្តបន្ទាយមានជ័យ ៖ លោកនាយឧត្ដមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ អមដំណើរដោយលោកឧត្តមសេនីយ៍ត្រី មេបញ្ជាការ មេបញ្ជាការរងកងរាជអាវុធហត្ថខេត្តបន្ទាយមានជ័យ បានដឹកនាំក្រុមការងារចុះត្រួតពិនិត្យស្ពានមិត្តភាព កម្ពុជា-ថៃ ស្ទឹងបត់ ឬស្ពានបានណងអៀន ។
ដំណើរចុះត្រួតពិនិត្យរបស់លោកនាយឧត្ដមសេនីយ៍ វង្ស ពិសេន គឺនៅល្ងាចថ្ងៃអាទិត្យ ២រោច ខែចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២១ ខែមេសា ឆ្នាំ២០១៩ ។
គួរបញ្ជាក់ថា ការប្រារព្វពិធីចាក់បេតុងភ្ជាប់មុខ តំណស្ពានស្ទឹងបត់(កម្ពុជា) បានណងអៀន (ថៃ) និងពិធីប្រគល់ទទួលក្បាលរថភ្លើង និងទូររថភ្លើងចំនួន៤គ្រឿង លើការដឹកជញ្ជូនផ្លូវដែកឆ្លងកាត់ ព្រំដែនស្ថាននីយ៍ក្លងលឹង ខេត្តស្រះកែវ ប្រទេសថៃ និងស្ថាននីយ៍រថភ្លើងក្រុងប៉ោយប៉េត ប្រទេសកម្ពុជា ក្រោមអធិបតីភាព ដ៏ខ្ពង់ខ្ពស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង លោកនាយករដ្ឋមន្ត្រីថៃ ប្រាយុទ្ធចាន់អូចា នាថ្ងៃទី២២ ខែមេសា ឆ្នាំ២០១៩ ស្អែកនេះ៕ដោយ ស សម
