ប៉ោយប៉ែត ៖ បុរសម្នាក់ស្លាប់នៅនិងកន្លែង រីឯម្នាក់ទៀតរងរបួសធ្ងន់ បន្ទាប់ពីជួបគ្រោះថ្នាក់ចរាចរណ៏នៅវេលាម៉ោង៨ និង ២៩នាទី ថ្ងៃទី២ ខែឧសភា ឆ្ណាំ២០១៩ លេីផ្លូវជាតិលេខ៥ ត្រង់ចំណុចខាងកេីតវិហារ ឥស្លាម ស្ថិតក្នុង ភូមិនិមិត្ត៣ សង្កាត់និមិត្ត ក្រុងប៉ោយបែត ខេត្តបន្ទាយមានជ័យ ។
សមត្ថកិច្ចចរាចរណ៏ក្រុងប៉ោយប៉ែតប្រាប់ថា មុនកើតហេតុមានរថយន្ត១គ្រឿងម៉ាកហ៊ីយ៉ាន់ដាយ ៣តោនកន្លះ ពណ៌ស ពាក់ស្លាកលេខ ភ្នំពេញ 3D-3154 ដឹកទឹកកកបើកឆ្លងកាត់ទទឹងទ្រូងថ្នល់ ពីជើងទៅត្បូង បើកបរដោយឈ្មោះហ៊ឹុម ចាន់រុន ភេទប្រុស អាយុ២១ឆ្នាំ មុខរបរអ្នកបើកបររថយន្ត ។
បច្ចុប្បន្នស្នាក់នៅបណ្តោះអាសន្នក្នុងភូមិបាលិលេយ្យ2សង្កាត់ក្រុងប៉ោយប៉ែតខេត្តបន្ទាយមានជ័យ ស្រាប់តែមានម៉ូតូ01គ្រឿងម៉ាកហុងដាទ្រីមសង់សេ១២៥ ពណ៌ខ្មៅ ពាក់ស្លាកលេខ បាត់ដំបង 1O-8860 ដោយបើកបរគោលដៅពីទិសខាងកើតទៅទិសខាងលិចជិះគ្នាពីរនាក់បើកបរដោយឈ្មោះ ហេងស៊ីម ភេទប្រុស អាយុ៦៤ឆ្នាំ និងអ្នករួមដំណើរម្នាក់ទៀតពុំស្គាល់អត្តសញ្ញាណ លុះបើកដល់ចំណុចកើតហេតុបណ្តាលអោយដៃចង្កូតម៉ូតូ ប៉ះក្បាលរថយន្តក៏ដួលបោកក្បាលទៅលើផ្លូវជាតិជួបគ្រោះថ្នាក់ចរាចរណ៍់តែម្តង ។
ករណីខាងលេីនេះបណ្តាលឲ្យជនរងគ្រោះឈ្មោះ ហេងស៊ីម ភេទប្រុស អាយុ64ឆ្នាំជាអ្នកបើកបរម៉ូតូបច្ចុប្បន្នរស់នៅក្នុងភូមិព្រះពន្លា ឃុំរូងជ្រៃ ស្រុកថ្មគោល ខេត្តបាត់ដំបង (ស្លាប់នៅកន្លែងកើតហេតុ)ចំណែកអ្នករួមដំណើររងរបួសធ្ងន់មិនស្គាល់អត្តសញ្ញាណត្រូវកម្លាំសមត្ថកិច្ចដឹកទៅសង្គ្រោះនៅមន្ទីពេទ្យ ។
-មូលហេតុ ម៉ូតូបេីកល្បឿនលឿន ចំណែក រថយន្ត បេីកបរឆ្លងផ្លូវខ្វះការប្រុងប្រយ័ត្ន ។
សមត្ថកិច្ចបញ្ជាក់ថាក្រោយពេលកេីតហេតុ អ្នកបេីកបររថយន្តត្រូវបានឃាត់យកមកសួរនាំនៅអធិការដ្ឋាន ចំណែកម៉ូតូនិងរថយន្តយកទៅរក្សាទុក្ខនិងប៉ុស្ដ៏រដ្ឋាលនិមិត្តរងចាំដោះស្រាយតាមផ្លូវច្បាប់ ៕ នីម វណ្ណា
