ភ្នំពេញ៖ បុរស២នាក់បានរងរបួសធ្ងន់ត្រូវបញ្ជូនទៅកាន់មន្ទីរពេទ្យលោកដើម្បីសង្គ្រោះ បន្ទាប់ពីបើកបរម៉ូតូជួបគ្រោះថ្នាក់ចរាចរណ៍ត្រូវរថយន្តកុងតឺន័របើកកៀរនៅចំណុចរោងចក្រប៊ឺរី ។
ក្នុងហេតុការណ៍គ្រោះថ្នាក់នេះភ្លាមៗ ផងដែរ គេបានប្រទះឃើញកូនក្រកមួយ(មាននៅប្រឡាក់ឈាម) ស្ថិតនៅក្បែរបុរសរងគ្រោះ ដែលសមត្ថកិច្ចសង្ស័យថា ជារបស់បុរសរងគ្រោះទាំងពីរនាក់នោះហើយ ។
ហេតុការណ៍គ្រោះថ្នាក់ខាងលើនេះបានកើតឡើងកាលពីម៉ោង២១ថ្ងៃទី១៦ ខែធ្នូ ឆ្នាំ២០១៥ ស្ថិតនៅចំណុចមុខរោងចក្រកប៊ឺរី ភូមិជម្ពូវ័ន សង្កាត់ចោមចៅ ខណ្ឌពោធិ៍សែន រាជធានីភ្នំពេញ ។
សេចក្តីរាយការណ៍បានបញ្ជាក់ថា នៅមុនពេលកើតហេតុ បុរសពីរនាក់ជិះម៉ូតូមួយគ្រឿង ស្មាស់វី ពណ៌ខ្មៅ ពាក់ស្លាកលេខ កំពត 1G 0130 បើកបរស្របទិសគ្នាជាមួយរថយន្តកុងតឺន័រ ។ លុះមកដល់ចំណុចកើតហេតុ រថយន្តហ៊ីយ៉ាន់ដាយ ពាក់ស្លាកលេខ ភ្នំពេញ 3B 4156 បានបើកកៀរម៉ូតូបណ្តាលឲ្យដួលរងរបួសធ្ងន់ ទាំងពីរអ្នកតែម្តង ។
ចំពោះជនរងគ្រោះទាំងពីរនាក់មិនទាន់ស្គាល់អត្តសញ្ញាណនៅឡើយទេ និងត្រូវបានបញ្ជូនទៅសង្គ្រោះនៅមន្ទីពេទ្យលោកសង្ឃ ។ នៅកន្លែងកើតហេតុមានសពកូនក្មេងទំហំប៉ុនមេជើងនៅស្រស់ៗនៅឡើយ(កូនក្រក) ដែលសង្ស័យថា ជារបស់ជនរងគ្រោះទាំងពីរនាក់នោះ ។
ក្រោយកើតហេតុ រថយន្ត និង ម៉ូតូ រួមទាំងអ្នកបើកបររថយន្តប្រគល់ត្រូវឲ្យនគរបាលចរាចរណ៍រាជធានីភ្នំពេញយកទៅរក្សារទុកដើម្បីដោះស្រាយតាមច្បាប់ ៕
ដោយ៖ ថាច់ យ៉ាត
ទទួលព័ត៌មានសង្ខេបប្រចាំថ្ងៃតាមសារអេឡិចត្រូនិច៖
