ភ្នំពេញ៖ បុរសជានិស្សិតរៀននៅប្រទេសអូស្ត្រាលីម្នាក់បានបើករថយន្តបុក ម៉ូតូ បំពាក់ស៊ឺរ៉ែនរបស់ប៉ូលិស ត្រូវសមត្ថកិច្ចចាប់ខ្លួនបញ្ជូនទៅកាន់ស្នងការដ្ឋាននគរបាលរាជធានីភ្នំពេញដើម្បីចាត់ការតាមច្បាប់ ។
ហេតុការណ៍នេះបានកើតឡើងកាលពីវេលាម៉ោង៨និង៤០នាទីព្រឹក ថ្ងៃទី១៧ ខែធ្នូ ឆ្នាំ២០១៥ ស្ថិតនៅចំណុចផ្លូវ១៨៤កែងផ្លូវព្រះនរោត្តម សង្កាត់ជ័យជំនះ ខណ្ឌដូនពេញ ។ រថយន្តបង្កម៉ាក រ៉េហ្វ័រ ពណ៌ទឹកប្រាក់ ពាក់ស្លាកលេខភ្នំពេញ 1AC 3936 បានបើកបុកម៉ូតូស៊ឺរ៉ែនរបស់ប៉ូលិស ដែលកំពុងតែបើកនាំក្បួនប្រតិភូអាស៊ាន ។
បុរសបើករថយន្តបង្កខាងលើដែលគេគ្រាន់តែដឹងថាជានិស្សិតខ្មែររៀននៅប្រទេសអូស្ត្រាលីនោះ មិនទាន់ត្រូវបានស្គាល់អត្តសញ្ញាណពិតប្រាកដនៅឡើយទេ ហើយនៅពេលនេះបុរសខាងលើ ត្រូវប៉ូលិសឃាត់ខ្លួនភ្លាមៗហើយបញ្ជូនទៅស្នងការក្រុង ៕
ដោយ៖ ស ដារ៉ា
