លោកឧត្តមសេនីយ៍ត្រី ណុប បញ្ញា ស្នងការរងទទួលការងារទេសចរណ៍បានមានប្រសាសន៍ថា ករណីលិចទូកទេសចរណ៍នេះគឺដំបូងឡើយក្រោយពីទូកនេះដាក់ភ្ញៀវទេសចរណ៍នៅផែកាំសាបអស់ហើយ ទូកនេះក៏បានចូលទៅចតនៅផែទំនប់រលកវិញ ខណះពេលកំពុងតែធ្វើដំណើរទៅចតនោះដោយសារតែខុសលក្ខណៈបច្ចេកទេសធ្វើអោយទឹកហូរចូលឃ្លប់ម្ខាងនៃទូកនេះ ភ្លាមៗនោះកាពីទែននិងបុគ្គលឹកលើទូកក៏បានដឹងហេតុការណ៏នោះតែដោយសារមិនអាចស្តារទឹកចេញពីទូកមិនទាន់ កាពីទែនក៏សំរេចចិត្តអេបទូកមកខាងឆ្នេរក្បែច្រាំងទៅ។ លោកឧត្តមសេនីយ៍ត្រីស្នងការរង បានបញ្ជាក់ថាករណីនេះមិនបានបង្កអោយមានគ្រោះថ្នាក់ដល់អ្នកណាឡើយ ហើយសំភារៈដែលរើរចេញពីទូកមកដាក់ច្រាំងនោះ គឺដើម្បីអោយស្រាលទូកដើម្បីងាយអូសចេញពីច្រាំង ។

លោកឧត្តមសេនីយ៍ស្នងការរងក៏បានសំណូមពរអោយសាធរណៈជន ជាពិសេសបណ្តាញព័ត៍មានទាំងអស់ជ្រាប ជាព័ត៍មាន កុំអោយមានការភាន់ច្រឡំ និងសូមអោយមានមូលដ្ឋានច្បាស់លាស់មុននឹងផ្សាយ ៕