​ខេត្តស្វាយរៀង៖​ ជនសង្ស័យ២នាក់ត្រូវបានសមត្ថកិច្ច្ ច្រកទ្វារតំបន់ព្រំដែនដូងនិងកម្លាំងប៉ុស្តិ៍ច្រកទ្វារតំបន់ព្រំដែនដូង​ សហការជាមួយមន្ត្រីគយច្រកដូងបានធ្វើការចាប់ឃាត់មកសាកសួរព្រមទាំងម៉ូតូ២គ្រឿងនិងសត្វជ្រូក​ចំនួន​៤​ក្បាល​ ដែលនាំចូលពីប្រទេសវៀតណាមដោយខុសច្បាប់បញ្ជូនមកសមត្ថកិច្ចជំនាញពេទ្យសត្វចាត់ការបន្ត។

ការឃាត់ខ្លួនមកសាកសួរនេះបានធ្វើឡើងវេលាម៉ោង៩និង៤០នាទីយប់ថ្ងៃទី២០ខែមិថុនា​ ឆ្នាំ២០១៩នៅចំណុចផ្លូវកាត់ព្រៃខាងជេីងច្រកទ្វារតំបន់ដូង​ ប្រមាណ​ ៣​ គីឡូម៉ែត្រ​ (ជាប់ខ្សែបន្ទាត់ព្រំដែន)​ ស្ថិតភូមិពោន​ ឃុំដូង​ ស្រុករមាសហែក​ ខេត្តស្វាយរៀង។

យោងតាមសមត្ថកិច្ចនគរបាលបានអោយដឹងថាជនសង្ស័យមានឈ្មោះសោម វាសនា​ ភេទប្រុស​ អាយុប្រមាណ៣០ឆ្នាំនិងទី​២​ ឈ្មោះ​ សោម ឆេរ៉ាន់​  ភេទប្រុសអាយុ៣៥ឆ្នាំដោយអ្នកទាំង២ មានទីលំននៅភូមិតាត្រាវ​ ឃុំកំពង់ត្រាច​ ស្រុករមាសហែកខេត្តស្វាយរៀង។

ប្រភពបន្តថាដោយមានការសង្ស័យឃើញម៉ូតូ២គ្រឿងនៅចំណុចផ្លូវកាត់ព្រៃខាងជេីងច្រកទ្វារតំបន់ដូង​ ប្រមាណ​ ៣​ គីឡូម៉ែត្រ​ (ជាប់ខ្សែបន្ទាត់ព្រំដែន)ទើបសមត្ថកិច្ច

កម្លាំងប៉ុស្តិ៍នគរបាលរដ្ឋបាលដូង​ នៃអធិការដ្ឋាននគរបាលស្រុករមាសហែក រួមជាមួយកម្លាំងប៉ុស្តិ៍ព្រំដែនតំបន់ដូង​ សហការជាមួយមន្ត្រីគយ បានធ្វេីការចុះឃាត់ជនសង្ស័យ​ ២​ នាក់​ មកសាកសួរនាំទើបបែកធ្លាយថាជ្រូកដឹកចេញពីប្រទេសវៀតណាមមិនមានច្បាប់។

បច្ចុប្បន្នជនសង្ស័យរួមនិងវត្ថុតាង​ ជ្រូក​ ៤​ក្បាល​និងម៉ូតូ​២​គ្រឿង​ត្រូវនាំយកមករក្សាទុកនៅប៉ុស្តិ៍ច្រកទ្វាតំបន់ដូង​ ដេីម្បីប្រគល់អោយជំនាញពេទ្យសត្វដេីម្បីធ្វេីការពិនិត្យនិងចាត់ការតាមច្បាប់។