ខេត្តកោះកុង ៖ ព្រះសង្ឃ៦អង្គគង់លើរឺម៉ក  ម៉ូតូនិមន្តបិណ្ឌបាត្របានជួបគ្រោះថ្នាក់ចរាចរណ៍ ជាមួយរថយន្តបែនដឹកដីបណ្ដាលឲ្យរបួសធ្ងន់៣អង្គ និង ស្រាល៣អង្គ។ដោយឡែកអ្នកបើករឺម៉កបានស្លាប់នៅនឹងកន្លែងកើតហេតុ ។

ហេតុការណ៍ខាងលើនេះបានកើតឡើងកាល ពីវេលាម៉ោង៩ព្រឹកថ្ងៃទី៣០ ខែមិថុនាឆ្នាំ ២០១៩ នៅលើផ្លូវជាតិលេខ៤ គីឡូម៉ែត្រលេខ១៤៨.១៤៩ (ចំណែកផ្លូវខាងខេត្ត កោះកុង) ស្ថិតក្នុងភូមិអូរជ្រៅឃុំបឹងព្រាវ ស្រុកស្រែអំបិល ខេត្តកោះកុង ។

ប្រភពព័ត៌មានបានឲ្យដឹងថា៖ នៅមុនពេលកើតហេតុ ព្រះសង្ឃ៦អង្គដែលគង់លើរឺម៉កនិមន្តបិណ្ឌបាត្រនៅលើកំណាត់ផ្លូវខាងលើស្រាប់តែមកដល់ចំណុចកើតហេតុបានជួបគ្រោះថ្នាក់ចរាចរណ៍បុកជាមួយរថយន្តដឹកដីពាក់ស្លាកលេខ KPS 1168 បណ្ដាលឲ្យរបួសធ្ងន់៣អង្គ និងស្រាលចំនួន ៤អង្គ។ដោយឡែកអ្នកបើករ៉ឺម៉កបានស្លាប់នៅនឹងកន្លែងកើតហេតុ ។

ប្រភពព័ត៌មានបន្តថា ក្រោយកើតហេតុអ្នកបើកបររថយន្តបែនបានចុះរត់​គេច​បាត់​ ហើយភ្លាមៗសមត្ថកិច្ចចម្រុះ មានកងរាជអាវុធហត្ថនិងនគរបាលមូលដ្ឋាន ទាំងខាងខេត្តកោះកុងនិងទាំងខាងខេត្តព្រះសីហនុ បានអន្តរាគមន៍សង្គ្រោះនិងដោះស្រាយតាមនិតិវិធី៕