ខេត្តរតនគិរី ៖ ពីរនាក់ម្តាយនិងកូនស្លាប់ភ្លាមៗយ៉ាងអាណោចអាធ័មនៅនឹងកន្លែងកើតហេតុតែម្តងដោយសារជិះម៉ូតូហើយត្រូវរថយន្តម៉ាកTUNDRAបុកពីក្រោយយ៉ាងពេញទំហឹងដែលមានទិសដៅពីកើតទៅលិច កាលពីវេលាម៉ោង៣មិង៣០នាទី ថ្ងៃចន្ច័ ៧កើត ខែអាសាឍ ឆ្នាំកុរឯកស័កពុទ្ធសករាជ ២៥៦៣ត្រូវនឹងថ្ងៃទី៨ ខែកក្កដាឆ្នាំ២០១៩លើកំណាត់ផ្លូវជាតិលេខ៧៨ត្រង់ចំណុចចន្លោះបង្គោលគីឡូលេខ៥៤២-៥៤៣ ស្ថិតក្នុងភូមិ៤ ឃុំត្រពាំងច្រេស ស្រុកកូនមុំ ខេត្តរតនគីរី ។
លោកពុទ្ធ សាវី អធិការរងនគរបាលស្រុកកូនមុំ ទទួលផែនសណ្តាប់ធ្នាប់បានឲ្យដឹងថា ស្ត្រីរងគ្រោះឈ្មោះ សេង សុភា អាយុ៣៥ឆ្នាំ ជនជាតិខ្មែរ មានទីលំនៅភូមិឃុំកើតហេតុខាងលើស្លាប់ភ្លាមៗនៅនិងកន្លែងកើតហតុ។
ហើយជិះម៉ូតូម៉ាកហុងដាឌ្រីម C១២៥ ស៊េរីឆ្នាំ២០១៦ ពណ៌ខ្មៅ ពាក់ស្លាកលេខ រតនគីរី១C-៩៧១២ និងមានកូនម្នាក់ឈ្មោះ រិន ម៉េងឈាង ភេទប្រុស អាយុ៦ឆ្នាំរួមដំណើរជាមួយក៏ស្លាប់ភ្លាមៗដែរ។
លោកអធិការរងបន្តថា ឯរថយន្តបង្កម៉ាកTUNDRA ពណ៌ត្រីឆ្លូញ ពាក់ស្លាកលេខភ្នំពេញ២R-៥៦៨៨ បើក បរដោយឈ្មោះ គូនី បូវិ ភេទប្រុស អាយុ៤២ឆ្នាំ ជនជាតិឡាវ មានទីលំនៅភូមិស្រែពកតូចឃុំសិរីមង្គល ស្រុកកូនមុំ ខេត្តរតនគិរី។
ហើយក្រោយពីកើតហេតុភ្លាមៗអ្នកបើកបររថយន្តបានចុះរត់គេចខ្លួនបាត់ស្រម៉ោលតែម្តងដោយបន្សល់ទុករថយន្តនៅកន្លែងកើតហេតុមិនទទួលខុសត្រូវឡើយ។
បន្ទាប់ពីកើតហេតុកម្លាំងប៉ុស្តិ៍ក៏បានចុះទៅដល់ភ្លាម ហើយធ្វើការត្រួតពិនិត្យនិងវាស់វែងយកមធ្យោបាយទាំងពីរគ្រឿងទៅរក្សាទុកនៅអធិការដ្ឋាននគបាលស្រុកកូនមុំដើម្បីធ្វើកំណត់ហេតុចាត់ការតាមនីតិវិធីច្បាប់ពេលក្រោយ។
រួចហើយក៏បានប្រគល់សាសពជនរងគ្រោះឲ្យក្រុមគ្រួសារយកទៅធ្វើបុណ្យតាមប្រពៃណីផងដែរ៕ ជីវន្ត័
