ខេត្តកំពង់ចាម ៖ ជនជាតិវៀតណាម៥នាក់ ត្រូវបានក្រុមប្រតិបត្តិការការិយាល័យស៊ីបអង្កេត និងអនុវត្តនីតិវិធី សហការជាមួយកម្លាំងអធិការនគរបាលស្រុកជើងព្រៃបានឃាត់ខ្លួន កាលពីវេលាម៉ោង៨និង២០នាទី ថ្ងៃទី១០ ខែកក្កដា ឆ្នាំ២០១៩ម្សិលមិញនេះ ដោយសារជនជាតិវៀតណាមទាំងនោះស្នាក់ នៅខុសច្បាប់ និងគ្មានលិខិតឆ្លងដែន ។
មន្ត្រីនគរបាលបានអោយដឹងថា បន្ទាប់ពីកម្លាំងការិយាល័យស៊ីបអង្កេត និងអនុវត្តនីតិវិធី ធ្វេីកិច្ចសហការជាមួយកម្លាំងអធិការនគរបាលស្រុកជើងព្រៃ បានចុះត្រួតពិនិត្យធ្វេីរដ្ឋបាលចំហរ ស្រាវជ្រាវរកឃើញ និងបានឃាត់ខ្លួនជនជាតិវៀតណាម៥នាក់ (ភេទប្រុស)។
នគរបាលបន្តថា ពួកគេត្រូវឃាត់ខ្លួនពីបទស្នាក់ នៅខុសច្បាប់ ដោយគ្មានលិខិតឆ្លងដែន ស្ថិតនៅចំណុចផ្សាចាស់ ភូមិស្គន់ ឃុំសូទិព្វ ស្រុកជើងព្រៃ ខេត្តកំពង់ចាម។
សូមបញ្ជាក់ថា ជនជាតិវៀតណាមទាំង៥នាក់ ត្រូវបានបញ្ជូនខ្លួនទៅកាន់នាយកដ្ឋានសើុបអង្កេត និងអនុវត្តនីតិវិធី ដើម្បីអនុវត្តនីតិវិធីបន្ត៕ ដោយ ៖ វណ្ណៈ
