ភ្នំពេញ៖ កម្លាំងនគរបាលព្រហ្មទណ្ឌ សហការជាមួយនគរបាលប៉ុស្តិ៍ទឹកល្អក់ទី១ ធ្វើការឃាត់ខ្លួនបុរសម្នាក់ ខណៈដែល បុរសរូបនេះកំពុងតែដោះស្លាកលេខម៉ូតូម៉ាកហុងដាឌ្រីម សេ១២៥ មួយគ្រឿងដែលខ្លួនធ្វើសកម្មភាពលួច ពីភូមិគោករំដេង សង្កាត់ប៉ាលហាល ក្រុងព្រះវិហារ ខេត្តព្រះវិហារ បានរយៈពេល៣ថ្ងៃ ដោយជិះគេចមកលាក់ខ្លួននៅរាជធានីភ្នំពេញ ។

ករណីឃាត់ខ្លួនជនសង្ស័យខាងលេីនេះ បានធ្វេីឡេីងកាលពីវេលាម៉ោង ១០ព្រឹក ថ្ងៃទី២១ ខែធ្នូ ឆ្នាំ២០១៥ ចំណុចផ្ទះជួលលេខ១៨ ផ្លូវលេខ១៣៨ ក្រុមទី ២៤ ភូមិ៧ សង្កាត់ទឹកល្អក់ទី១ ខណ្ឌទួលគោក ។

តាមប្រភពពីមន្ត្រីនគរបាលខណ្ឌទួលគោក បានឲ្យដឹងថា  ជនសង្ស័យ ឈ្មោះ វេន សំណាង ហៅ តឿ ភេទ ប្រុស អាយុ ២១ឆ្នាំ ជនជាតិខ្មែរ មុខរបរ ពុំពិត ប្រាកដ ស្នាក់នៅភូមិរុងរឿង១ ឃុំស្រអែម ស្រុក ជាំក្សាន្ត ខេត្តព្រះវិហារ និងដកហូតបានម៉ូតូមួយគ្រឿងម៉ាកហុងដាឌ្រីម សេ១២៥ ពណ៌ខ្មៅ ស៊េរី ២០០៥ បិតតែមស៊េរី២០១០ ពាក់ស្លាកលេខព្រះវិហារ 1A-3413  មានលេខតួនិងលេខម៉ាស៊ីន 80 02440 ជាម៉ូតូរបស់ជនរងគ្រោះ ឈ្មោះ ឌី ភេទប្រុស អាយុប្រហែល ១៧ឆ្នាំស្នាក់នៅសង្កាត់ប៉ាលហាល ក្រុងព្រះវិហារ ខេត្តព្រះវិហារ ។

មន្ត្រីដដែរ បានបន្តទៀតថា កាលពីវេលាម៉ោង ៧យប់ថ្ងៃទី១៨ ខែធ្នូ ឆ្នាំ២០១៥  ជនសង្ស័យបានធ្វេីសកម្មភាពលួចម៉ូតូ នៅចំណុចភូមិគោករំដេង សង្កាត់ប៉ាលហាល ក្រុងព្រះវិហារ ខេត្តព្រះវិហារ បានម្រេចហេីយក៏ជិះគេចខ្លួនមកភ្នំពេញ រហូតដល់ព្រឹកថ្ងៃទី២១ ខែធ្នូ  ឆ្នាំ២០១៥នេះ  សមត្ថកិច្ចចម្រុះបានចុះធ្វេីរដ្ឋបាលស្រាប់តែប្រទះ ឃើញជនសង្ស័យកំពុងដោះ ស្លាកលេខម៉ូតូ ភ្លាមនោះដោយមានការសង្ស័យ ក៏ឃាត់ខ្លួនតែម្តង ។

ក្រោយឃាត់ខ្លួនយកមកសាកសួរ ជនសង្ស័យឈ្មោះ វេន សំណាង ហៅ តឿ  បានសារភាពថា ម៉ូតូនេះរូបគេបានធ្វើសកម្មភាពលួច ពីជនរងគ្រោះ ឈ្មោះ ឌី ភេទប្រុស អាយុប្រហែល ១៧ឆ្នាំ  នៅចំណុចភូមិគោករំដេង សង្កាត់ប៉ាលហាល ក្រុងព្រះវិហារ ខេត្តព្រះវិហារឯណ្ណោះ  ។

បច្ចុប្បន្នជនសង្ស័យ និងវត្ថុតាង ត្រូវបាននគរបាលខណ្ឌទួលគោកធ្វេីការទំនាក់ទំនងប្រគល់ ជូនស្នងការដ្ឋាននគរបាលព្រះវិហារ វិញដើម្បីចាត់ការបន្តតាមនីតិវិធី ៕

ដោយ៖ ស ដារ៉ា