ខេត្ដបន្ទាយមានជ័យ៖ ផ្ទះឈើមួយ ខ្នងបានឆេះអស់ស្ទើរទាំងស្រុងខណៈដែល ម្ចាស់ផ្ទះដេកលង់លក់ក្នុងដំណេក ហើយ ពេលដែលភ្លើងកំពុងឆាបឆេះកុំតែបាន អ្នកជិតខាងរត់ទៅដាស់ម្ល៉េះសមម្ចាស់ ផ្ទះគ្រោះថ្នាក់ដល់អាយុជីវិត ។ ករណី ភ្លើងឆេះផ្ទះប្រជាពលរដ្ឋមួយខ្នងនិង បំផ្លាញទ្រព្យសម្បត្ដិទាំងស្រុងនេះបាន កើតឡើងនៅវេលាម៉ោង២១និង៤០នាទីថ្ងៃទី២២ ខែធ្នូ* ឆ្នាំ២០១៥ នៅភូមិរោល ជ្រូក ឃុំជប់វារី ស្រុកព្រះនេត្រព្រះ ខេត្ដ បន្ទាយមានជ័យ។
អាជ្ញាធរស្រុកបានឱ្យដឹងថា ម្ចាស់ផ្ទះ ដែលជួបគ្រោះភ្លើងឆេះផ្ទះឈ្មោះ ទូច សឿន ភេទប្រុស អាយុ៥៧ឆ្នាំ មុខរបរ ធ្វើស្រែ រស់នៅភូមិកើតហេតុ ។ ប្រភព ពីមន្ដ្រីអាជ្ញាធរស្រុកព្រះនេត្រព្រះបានឱ្យដឹងទៀតថាផ្ទះដែលត្រូវភ្លើងឆេះខាងលើ នេះទំហំ៦គុណនឹង៨ម៉ែត្រ សង់ពីថ្ម ក្រោមឈើលើ ជញ្ចាំងក្ដារប្រក់ស័ង្កសី ។ អគ្គិភ័យនេះបានឆេះផ្ទះផ្នែកខាងលើទាំង*ស្រុង ហើយទ្រព្យសម្បត្ដិក្នុងផ្ទះត្រូវបាន បំផ្លាញតែមិនមានសមាជិកក្នុងគ្រួសារណាម្នាក់គ្រោះថ្នាក់នោះទេ ។
តាមមន្ដ្រីនគរបាលបានសន្និដ្ឋានថា ករណីអគ្គិភ័យឆេះផ្ទះប្រជាពលរដ្ឋមួយ ខ្នងខាងលើនេះបណ្ដាលមកពីទុស្សេ ចរន្ដអគ្គិសនីខណៈដែលម្ចាស់ផ្ទះកំពុង ដេកលង់លក់នៅក្នុងបន្ទប់ជាន់ខាង ក្រោម ។
អ្នករស់នៅក្នុងភូមិកើតហេតុបាន និយាយប្រាប់សមត្ថកិច្ចថា នៅពេល មានអគ្គិភ័យឆេះឡើងនៅផ្នែកខាងលើ ម្ចាស់ផ្ទះពុំបានដឹងនោះទេ ។ ឃើញដូច្នេះ អ្នករស់នៅក្នុងភូមិបាននាំគ្នារត់ទៅដាស់ម្ចាស់ផ្ទះឱ្យរត់ចេញមកក្រៅ ហើយបាន នាំគ្នាជួយបាច់ទឹកពន្លត់ តែមិនអាចជួយ បានដោយសារអណ្ដាតភ្លើងឆេះពេញ បន្ទុកទៅហើយ ។
នៅក្នុងករណីភ្លើងឆេះផ្ទះខាងលើនេះ បើតាមអ្នករស់នៅជិតខាងនិងម្ចាស់ផ្ទះ រងគ្រោះឱ្យដឹងថា ទ្រព្យសម្បត្ដិដែលនៅ ក្នុងផ្ទះដូចជាលុយកាក់ តុ ទូ កៅអី ទូរ ទស្សន៍ ខោអាវ ម៉ូតូកង់ ម្ចាស់ផ្ទះមិន អាចយកទាន់នោះទេត្រូវភ្លើងឆេះអស់ ទាំងស្រុង ៕
ដោយ៖ វណ្ណា
