ភ្នំពេញ៖ បុរសម្នាក់ជាបុគ្គលិកលក់ផ្លែឈេីបានធ្វេីសកម្មភាពចាប់រំលោភនារីម្នាក់ជាចុងភៅបានសម្រេចរហូតទៅដល់២ដងបន្ទាប់ពីចប់កម្មវិធីជប់លាង។ ហេីយត្រូវនគរបាលធ្វេីការឃាត់ខ្លួនយកទៅសាកសួរ។
ហេតុការណ៍នេះបានកេីតឡេីងកាលពីវេលាម៉ោង១០និង៣០នាទីថ្ងៃទី២៩ខែកក្កដាឆ្នាំ២០១៩ នៅចំណុចក្រុមហ៊ុនលក់ផ្លែឈេីមួយកន្លែង ផ្ទះលេខ៩២ ភូមិ៧ តាមបណ្តោយផ្លូវលេខ២៣០ ស្ថិតក្នុងសង្កាត់ផ្សារដេីមគរ ខណ្ឌទួលគោក។
ស្ត្រីរងគ្រោះ រេង ស្រីលូត ភេទស្រី អាយុ ៣៤ឆ្នាំ មុខចុងភៅ ស្នាក់នៅ ផ្ទះជួល ភូមិអូឌឹម សង្កាត់ចោមចៅ៣ ខណ្ឌពោធិ៍សែនជ័យ ។
ចំណែកជនសង្ស័យ មានឈ្មោះ ជា សីហាក់ ភេទប្រុស អាយុ២២ ឆ្នាំស្នាក់នៅកន្លែងធ្វើការ សង្កាត់ផ្សារដើមគរ ភូមិអូខ្ជាយ ឃុំព្រែកព្រះស្តេច ស្រុកបាត់ដំបង ខេត្តបាត់ដំបង។
តាមប្រភពព័ត៌មានបានឲ្យដឹងថា នៅល្ងាចថ្ងៃទី២៩ខែកក្កដាឆ្នាំ២០១៩ ក្រុមហ៊ុនបានធ្វេីកម្មវិធីជប់លាងកូនចៅដោយមានការផឹកស៊ីផងដែរ។ ក្រោយមកជនរងគ្រោះបានឡេីងទៅសម្រាកនៅបន្ទប់ខ្លួនបាត់។
សាក្សីបានបន្តថា បន្ទាប់មកជនសង្ស័យបានឆាយតាមហ្វេសប៊ុកទៅជនរងគ្រោះដេីម្បីហៅមកធ្វេីទឹកជ្រលក់អោយមេតែនាងមិនព្រមចុះមកស្រាប់តែជនសង្ស័យឡេីងទៅដល់បន្ទប់ឃេីញទំនងក៏ចាប់រំលោភរហូតបានសម្រេច២ដងរួចជនសង្ស័យក៏ចុះមកដេកនៅខាងក្រោមធ្វេីដូមមិនដឹងរឿងអី។
សាក្សីបានបន្តទៀតថា បន្ទាប់មកនារីរងគ្រោះក៏បានខលហៅប្តីរបស់ខ្លួនមកដល់ក្រុមហ៊ុននិងប្តឹងនគរបាលឃាត់ខ្លួនជនសង្ស័យតែម្តង។
បច្ចុប្បន្នជនសង្ស័យត្រូវបានកសាងសំណំរឿងបញ្ជូនទៅអធិការដ្ឋាននគរបាលខណ្ឌទួលគោករងចាំដោះស្រាយតាមច្បាប់៕សុខាសែនជ័យ
