វិស័យសេដ្ឋកិច្ច របស់ប្រទេសទាំងពីរ រងផលប៉ះពាល់យ៉ាងខ្លាំង ដោយសារតែការប្រឈមមុខតានតឹងដាក់គ្នា រយពេលកន្លងមក។ ជប៉ុនបាន រឹតបន្តឹងការនាំចូល ទំនិញ មួយចំនួន ពីកូរ៉េខាងត្បូង ក្នុងនោះ វិស័យបច្ចេកវិទ្យា ជាដើម ។
វិវាទចាប់ផ្តើមចេញពីតុលាការកូរ៉េខាងត្បូង ចេញសេចក្តីសម្រេច ឲ្យជប៉ុនសងសំណងពលកម្ម ក្នុងសម័យអណានិគមន៍ របស់កូរ៉េ ហើយបង្ខំឲ្យពលរដ្ឋធ្វើពលកម្មដោយគ្មានប្រាក់ខែ។
ក្រុមហ៊ុនអាកាសចរណ៍ Korean Air ផ្អាកជើងហោះហើរទៅកាន់ជប៉ុនវិវាទរវាង កូរ៉េខាងត្បូង និងជប៉ុន កាន់តែតានតឹងខ្លាំងឡើងៗ ហើយពលរដ្ឋកូរ៉េខាងត្បូង បាននាំគ្នាឈប់ប្រើប្រាស់ ផលិតផលរបស់ជប៉ុន ក្នុងនោះមានទាំងរថយន្តផងដែរ ។ ក្រៅពីនេះអ្នកទេសចរណ៍ជនជាតិកូរ៉េខាងត្បូងក៏មិនទៅកម្សាន្តនៅជប៉ុន ជាការប្រឆាំង ។ ចំណុចទាំងនោះហើយធ្វើឲ្យក្រុមហ៊ុនអាកាសចរណ៍កូរ៉េខាងត្បូង Korean Air បានសម្រេចផ្អាកជើងហោះហើរ ពីទីក្រុង Busan ទៅកាន់ទីក្រុង Sapporo របស់ប្រទេសជប៉ុនចាប់ពីថ្ងៃទី ៣ខែសីហា ខាងមុខ ដោយសារតែ អ្នកធ្វើដំណើរថយចុះខ្លាំង ។
នៅក្នុងសេចក្តីប្រកាសរបស់ក្រុមហ៊ុនអាកាសចរណ៍ Korean Air បានបញ្ជាក់ថា ក្រុមហ៊ុន នឹងកាត់បន្ថយជើងហោះហើរ ចុះឡើងរវាងប្រទេសទាំងពីរ ឬក៏ប្តូរទៅហោះហើរយន្តហោះធុនតូចជំនួសវិញក្នុងខែសីហាខាងមុខ។ ក្រុមហ៊ុនក៏បានប្រកាសថា អ្នកដំណើរទិញសំបុត្រយន្តហោះថយចុះយ៉ាងខ្លាំង។
ការសម្រេចខាងលើរបស់ក្រុមហ៊ុន អាកាសចរណ៍ Korean Air កើតឡើងក្នុងពេលដែលទំនាក់ទំនង សេដ្ឋកិច្ចនយោបាយ រវាងកូរ៉េខាងត្បូងនិងជប៉ុន កាន់តែតានតឹង ហើយកាលពីពេលកន្លងមក រដ្ឋាភិបាលទីក្រុងតូក្យូបានផ្អាក់លក់សម្ភារបច្ចេកវិទ្យាមួយទៅចំនួនទៅឲ្យទីក្រុងសេអូល។
អំពីវិស័យទេសចរណ៍វិញ ពលរដ្ឋកូរ៉េខាងត្បូង ទស្សនកិច្ចទៅកាន់ជប៉ុន ស្មើ២៤,២ភាគរយក្នុងចំណោមទេសចរណ៍បរទេសទាំងអស់នៅជប៉ុននាឆ្នាំ២០១៨ គឺឈរលំដាប់ទីពីរបន្ទាប់ពីអ្នកទេសចរណ៍ជនជាតិចិន។
ពាក់ព័ន្ធនិងការប្រឈមមុខតានតឹងនោះដែរ នៅថ្ងៃទី២៩ខែកក្កដាមន្ត្រីកូរ៉េខាងត្បូង បានប្រកាសថា នឹងទៅកាន់ប្រទេសជប៉ុនក្នុងសប្តាហ៍នេះដើម្បីពិភាក្សា ស្តីពីវិវាទពាណិជ្ជកម្ម រវាងប្រទេសទាំងពីរ ៕
