ភ្នំពេញ៖ សាហាវណាស់ ដោយសាភ្លើងប្រចណ្ឌប្តីហ៊ានដកកាំភ្លើងបាញ់ប្រហារ ទៅលើប្រពន្ធជាច្រើនគ្រាប់បណ្តាលឲ្យរងរបួសធ្ងន់រួចបើករថយន្តរត់គេចតែត្រូវបានកម្លាំងសមត្ថកិច្ខដេញចាប់បានមកវិញ។
ហេតុការណ៍បាញ់ប្រហារទៅលើប្រពន្ធយ៉ាងសាហាវនេះកើតឡើងកាលពីវេលាម៉ោង១១និង៣០នាទីយប់ថ្ងៃទី៧ខែសីហាឆ្នាំ២០១៩ស្ថិតនៅចំណុចអាហាដ្ឋាន(យីហោ ទីរ៉ានី)តាមផ្លូវរថភ្លើងកែងនិងផ្លូវ ភ្នំពេញហាណូយ ភូមិចុងខ្សាច់ ក្នុងសង្កាត់ទឹកថ្លា ខណ្ឌសែនសុខ។
តាមប្រភពព័ត៌មាននៅកន្លែងកើតហេតុបានឲ្យដឹងថាមុនកើតហេតុគេឃើញប្តីប្រពីរនាក់កំពុងផឹកសុីស្រាប់តែមួយសន្ទុះក្រោយមក មិនថាមានរឿងអ្វីប្រពន្ធបានដើរចេញមកក្រៅស្រាប់តែប្តីបានដកកាំភ្លើងប្រហាជាច្រើនគ្រាប់បណ្តាលប្រពន្ធរងរបួសធ្ងន់រួចព្យាយាមបើករថយន្តរត់។
តាមប្រភពពីសមត្ថកិច្ចបានប្រាប់ឲ្យដឹងថាប្តីប្រពន្ធពីរនាក់បានរៀបការជាមួយគ្នារយះពេល៥ឆ្មាំមកហើយនិងមានកូនពីរនាក់នៅក្នុងបន្ទុកដោយអ្មកទាំងពីររស់នៅឯខេត្តបន្ទាយមានជ័យដោយប្តីធ្វើជាទាហានក្រោយមកប្រពន្ធបានមករស់នៅភ្នំពេញរយះពេល៣ឆ្នាំដោយប្រកបមុខរបរជាអ្នកលក់ខោអាចំំណែកប្តី រស់នៅឯខេត្ត ក្នុងរយះពេល១ខែទើបប្តីមកជួបប្រពន្ធម្តង។
ប្រភពបន្តទៀតថានៅថ្ងៃកើតហេតុជនដៃដល់ជាប្តីបានបើករថយន្តហាយលែនឌ័រមួយគ្រឿងពណ៌សពាក់ស្លាកលេខ បមានជ័យ2A-6753មកជួបប្រពន្ធនៅឯភ្នំពេញ ហើយខលហៅទៅប្រពន្ធមកសុីផឹកនៅហាងកើតហេតុខាងលើបន្ទាប់ពីសុីផឹ្រករួចហើយប្រពន្ធបានង់ដើរចេញក្រៅដោយភ្លើងប្រចណ្ឌជនដៃដល់ជា ប្តីបានដកកាំភ្លើងខ្លីម៉ាកK59បាញ់ប្រហាចំនួន ៨គ្រាប់ទៅលើប្រពន្ធ ត្រូវចំនួន៥គ្រាប់រងរបួសធ្ងន់ត្រូវបានរថយន្តសង្គ្រោះបន្ទាន់ដឹកយកទៅសង្គ្រោះនៅឯមន្ទីពេទ្យកាលម៉ែត្រភ្លាមៗចំណែកជនដៃដល់ជាប្តីបានបើករថយន្តរត់គេចខ្លួនតែត្រូវសមត្ថកិច្ចខណ្ឌសែនសុខដេញតាមចាប់រហូតមកដល់ចំណុចមុខបូរីហ្គ្រេនភ្នំពេញតាមបណ្តោយផ្លូវភ្នំពេញហាណូយ ក្នុងសង្កាត់ឃ្មួញ ត្រូវសមត្ថកិច្ចចាប់មានរួចបញ្ជូនខ្លួនមកអធិការដ្ឋាននគរបាលខណ្ឌសែនសុខភ្លាមៗ។
លោកវីរសេនីយ៍ឯក ហួរ ម៉ែងវ៉ាង បានបញ្ជាក់ប្រាប់ថា ករណីប្តីបាញ់ប្រហាប្រពន្ធជាច្រើនគ្រាប់បណ្តាលឲ្យរងរបួសធ្ងន់បណ្តាលមកពីរភ្លើងប្រចណ្ឌ។
បច្ចុប្បន្នជនដៃដល់ជាប្តីសមត្ថកិច្ចកំពុងសួរនាំនៅអធិការដ្ឋាននគរបាលខណ្ឌសែនសុខ៕
