ភ្នំពេញ​៖​ បុរសម្នាក់សង្ស័យបេីករថយន្តកាមរីហាយប្រីតក្នុងល្បឿនលឿនរេចង្កូចទៅបុករបាំងថ្មពុះចែកទ្រូងផ្លូវបណ្តាលឲ្យហោះឡេីងកលជាប់ទៅមុខលែងរួច។

ហេតុការណ៍​នេះបានកេីតឡេីងកាលពីវេលាម៉ោង១១យប់ថ្ងៃទី៨ខែសីហា​ឆ្នាំ២០១៩​ នៅចំណុចស្តុបគីរីរម្យ​ តាមបណ្តោយផ្លូវព្រះសីហនុ​ កែងផ្លូវលេខ១៤៣​ ស្ថិតក្នុងសង្កាត់វាលវង់​ ខណ្ឌ៧មករា​។

តាមសាក្សីនៅកន្លែងកេីតហេតុបានឲ្យដឹងថា​ មុនពេលកេីតហេតុគេបានឃេីញរថយន្តម៉ាកកាមរីហាយប្រីត​ ពណ៍ស្ក​ ពាក់ស្លាកលេខភ្នំពេញ2U 2929​ ធ្វេីដំណេីរតាមបណ្តោយផ្លូវព្រះសីហនុ​ក្នុងទិសដៅពីកេីតទៅលិចក្នុងល្បឿនលឿនខណៈមកដល់ចំណុចកេីតហេតុស្រាប់តែរេចង្កូតទៅបុកហោះឡេីងរបាំងថ្មពុះចែកទ្រូងផ្លូវកលជាប់ទៅមុខលែងរួចតែសំណាងមិនមានមនុស្សរងរបួស។

ក្រោយកេីតហេតុម្ចាស់រថយន្តបានចុះពីលេីរថយន្តគេចខ្លួនបាត់បន្សល់ទុករថយន្តនៅកន្លែងកេីតហេតុត្រូវបាននគរបាលជំនាញស្ទូចយកទៅរក្សាទុកនៅការិយាល័យចរាចរណ៍ជេីងគោករាជធានីភ្នំពេញរងចាំដោះស្រាយតាមច្បាប់៕  សុខាសែនជ័យ​