ភ្នំពេញ៖ កម្លាំងការិយាល័យគ្រឿងញៀនរាជធានីភ្នំពេញ សហការជាមួយកម្លាំងកងរាជអាវុធហត្ថខណ្ឌសែនសុខបានចុះបង្ក្រាប និងឃាត់ខ្លួនជនសង្ស័យពាក់ព័ន្ធនឹងគ្រឿងញៀនចំនួន ០៨នាក់ ក្នុងនោះស្រី ០១នាក់រួមនិងវត្ថុតាងមួយចំនួន។
ប្រត្តិប្បការចុះបង្ក្រាបនេះបានធ្វើឡើងកាលពីវេលាម៉ោង១៩និង៣០នាទីយប់ថ្ងៃទី២៤ខែធ្នួ ឆ្នាំ២០១៥ នៅចំនុចមុខពេទ្យលោកសង្ឃ ភូមិត្រពាំងឈូក សង្កាត់ទឹកថ្លាខណ្ឌសែនសុខ។
ក្នុងប្រត្តិប្បត្តការណ៍ចុះបង្ក្រាបនោះដែដឹកនាំដោយលោក ប៉ាន់ សុភាព នាយការិយាល័យគ្រឿងញៀនរាជធានីនិងលោក ព្រុំ សក្កា មេបញ្ជាករ កងរាជអាវុធហត្ថខណ្ឌសែនសុខរួមនិងកំលាំងកងរាជអាវុធហត្ថជាច្រើនទៀតផងដែ។
ប្រភពពីអាវុធហត្ថបានអោយដឹងថាការចុះបង្ក្រាបនេះឃាត់ខ្លួនបានមនុស្សប្រុសស្រីបានចំនួន០៨នាក់ក្នុងនោះមានស្រីម្នាក់និងដកហូតបានទូរស័ព្ទចំនួន០៣គ្រឿង ប្រាក់រៀល ៩២៥.០០០រៀល និងប្រាក់ដុល្លារ ២៥៥ដុល្លា និងឧបករណ៌ សម្ភារប្រើប្រាស់គ្រឿងញៀនមួយចំនួនទៀត។
បច្ចុប្បន្នជនសង្ស័យទាំង០៨នាក់រួមនឹងវត្ថតាងកំពង់ឃាត់ខ្លួនសាកសួរនៅបញ្ជាការដ្ឋានកងរាជអាវុធហត្ថរាជធានីភ្នំពេញដើម្បីចាត់ការបន្តតាមនិតិវិធី ៕
ដោយ៖ តុង សីហា
