🚨អគ្គិភ័យឆាបឆេះឃ្លាំងស្តុកទំនិញលក់ដុំ និងរាយ យីហោ ចែនី

ចែករំលែក៖

រាជធានីភ្នំពេញ ៖ ឃ្លាំងស្តុកទំនិញគ្រឿងកំប៉ុងរបស់ផ្ទះលក់ទំនិញបោះដុំ និងរាយ យីហោ ចែនី ស្ថិតនៅផ្ទះលេខ ផ្លូវលេខ៣១៨ សង្កាត់ទួលស្វាយព្រៃ១ ខណ្ឌបឹងកេងកង ក្បែរផ្សារអូរឡាំពិក ត្រូវបានអគ្គីភ័យឆាបឆេះយ៉ាងសន្ធោសន្ធៅ កាលពីវេលាម៉ោង ៣ និង ០០នាទី រសៀលថ្ងៃទី២១ ខែសីហា ឆ្នាំ២០១៩ បណ្តាលឲ្យទំនិញគ្រឿងកំប៉ុងនៅក្នុងឃ្លាំងផ្ទះល្វែងជាន់ទី២ រងការខូចខាតផងដែរ។

ទោះបីជាយ៉ាងណា គេពុំទាន់បានដឹងពីមូលហេតុ នៃការកើតមានអគ្គីភ័យនេះឡើយ។ តាមព័ត៌មានឲ្យដឹងថា ផ្ទះដែលកើតមានអគ្គីភ័យនេះ មានម្ចាស់ឈ្មោះ ចែនី ភេទស្រី អាយុ ៤៥ឆ្នាំ បើកលក់គ្រឿងទេស។
សមត្ថកិច្ចមូលដ្ឋានបានឲ្យដឹងថា អគ្គីភ័យនេះ បណ្តាលមកពីទុស្សេខ្សែភ្លើងនៅក្នុងឃ្លាំងស្តុកទំនិញគ្រឿងកំប៉ុងនៅជាន់ទី១២។ ក្នុងហេតុការណ៍នោះ មានរថយន្តពន្លត់អគ្គីភ័យ ចំនួន ៣គ្រឿង បានទៅអន្តរាគមន៍បាញ់ទឹកពន្លត់អស់រយៈពេលជាងកន្លះម៉ោងទើបភ្លើងរលត់។ ស រស្មី

...