ខេត្ដឧត្ដរមានជ័យ៖ ជនសង្ស័យ២ នាក់ត្រូវសមត្ថកិច្ចចាប់ខ្លួនពាក់ព័ន្ធ ករណីលួចឈើបេងរបស់គេ ហើយពេល ដែលសមត្ថកិច្ចបញ្ជូនខ្លួនទៅសាកសួរ ជនសង្ស័យម្នាក់ក្នុងចំណោម២នាក់បាន ទាញយកដំបងវាយកញ្ចក់រថយន្ដសមត្ថ កិច្ចបាញ់តដៃធ្វើឱ្យនគរបាលរត់ជាន់ ជើងគ្នា ។
ករណីចាប់ខ្លួនជនសង្ស័យខាងលើនេះ សមត្ថកិច្ចបានធ្វើឡើងកាលពីវេលា ម៉ោង១និង១០នាទីរំលងអធ្រាត្រឈាន ចូលថ្ងៃទី២៦ ខែធ្នូ ឆ្នាំ២០១៥ នៅភូមិ-ឃុំទំនប់ដាច់ ស្រុកត្រញំងប្រាសាទ ខេត្ដ ឧត្ដរមានជ័យ ។
នគរបាលស្រុកត្រញំងប្រាសាទបាន ឱ្យដឹងថា ជនសង្ស័យដែលជាចោរលួច ឈើត្រូវបានចាប់ខ្លួនទី១-ឈ្មោះ កែវ រតនៈ ភេទប្រុស អាយុ២៦ឆ្នាំ និងទី២- ឈ្មោះ កែវ ទូច ភេទប្រុស អាយុ២២ឆ្នាំ អ្នកទាំង២ជាបងប្អូនបង្កើតរស់នៅភូមិ- ឃុំកើតហេតុ ។
នគរបាលបានបញ្ជាក់ថា ជនសង្ស័យ ខាងលើនេះសមត្ថកិច្ចបានចាប់ខ្លួន ក្រោយពីបានលួចយកឈើបេងមួយសន្លឹក ទំហំ០,៤៥ម៉ែត្រគុណ០,៥០ម៉ែត្រ ប្រវែង ១,៣០ម៉ែត្រ ជារបស់ឈ្មោះ ជ័យ រិទ្ធី ភេទប្រុស អាយុ៤០ឆ្នាំ មុខរបរធ្វើស្រែ រស់នៅភូមិ-ឃុំជាមួយគ្នា ។
ប្រភពព័ត៌មានពីមន្ដ្រីដដែលបាន បន្ដថា នៅវេលាម៉ោង៧និង៣០នាទី ព្រឹកថ្ងៃទី២៦ ខែធ្នូ*ពេលដែលសមត្ថកិច្ច កំពុងសួរចម្លើយ ជនសង្ស័យឈ្មោះ កែវ ទូច ដែលជាប្អូនរបស់ឈ្មោះកែវ រតនៈ បានស្ទុះទៅយកដំបងឈើវាយបំបែក កញ្ចក់រថយន្ដរបស់នគរបាលម៉ាកកាមរី ពណ៌ស្ករ រួចឆក់យកកាំភ្លើងអាកាស្វាយ បត់រត់ចូលព្រៃខាងក្រោយផ្សារភូមិ ។ ពេលនោះសមត្ថកិច្ចបានដេញតាមតែ ត្រូវជនសង្ស័យបាញ់មកលើសមត្ថកិច្ច នគរបាលចំនួន១៥គ្រាប់ ។ ភ្លាមៗនោះ កម្លាំងសមត្ថកិច្ចបានព័ទ្ធចាប់សហការ ជាមួយកម្លាំងកងពលតូចផ្នែកសឹករង ស្រុក និងកម្លាំងកងរាជអាវុធហត្ថស្រុក រហូតដល់ម៉ោង៩និង៣០នាទីព្រឹកថ្ងៃ ដដែលទើបចាប់ខ្លួនជនសង្ស័យដែល វាយកញ្ចក់រថយន្ដយកកាំភ្លើងសមត្ថ កិច្ចនេះបាន ។
ប្រជាពលរដ្ឋនៅភូមិទំនប់ដាច់បាន លើកឡើងថា នេះសំណាងហើយដែល ជនសង្ស័យបាញ់មិនត្រូវ ម្ល៉េះសមត្ថកិច្ច មួយចំនួនប្រាកដជាមានអ្នកស្លាប់ និង របួសជាមិនខាន ដោយសារតែការធ្វេស ប្រហែស ៕
ដោយ៖ សហការី
