ភ្នំពេញ៖ គណៈបញ្ជាការឯកភាពខណ្ឌទួលគោក ដឹកនាំដោយលោកសាំង សុភះវិចិត្រ អភិបាលរងខណ្ឌចុះបង្ក្រាបល្បែងហ្គេមបាញ់ត្រីមួយកន្លែងក្នុងមូលដ្ឋានសង្កាត់ផ្សារដេប៉ូ៣ ជាលិទ្ធផលដកហូតទូហ្គេមបាញ់ត្រីចំនួន២ទូ បញ្ចូនទៅសាលាខណ្ឌទួលគោកផងដែរ ។

ករណីបង្ក្រាបទីតាំងល្បែងហ្គេមបាញ់ត្រីខាងលេីនេះ បានធ្វេីឡេីងកាលពីព្រឹក ថ្ងៃទី២៨ ខែធ្នូ ឆ្នាំ២០១៥ ស្ថិតនៅចំណុចផ្ទះលេខ62 ផ្លូវលេខ 221 សង្កាត់ផ្សារដេប៉ូទី3 ខណ្ឌទួលគោក រាជធានីភ្នំពេញ ។

លោកសាំង សុភះវិចិត្រ អភិបាលរងខណ្ឌទួលគោក បានអោយដឹងថា បន្ទាប់ពីសើុបដឹងថាមានទូហ្គេមបាញ់ត្រី ទើបលោកបានដឹកនាំ គណៈបញ្ជាការឯកភាពខណ្ឌទួលគោក ចុះបង្ក្រាបទីតាំងហ្គេមបាញ់ត្រីខាងលើដោយដកហូតបាន ទូហ្គេមត្រីចំនួន២ទូជាក់ស្តែង ។

បច្ចុប្បន្នទូហ្គេមបាញ់ត្រីខាងលើនេះត្រូវបានបញ្ចូនទៅរក្សាទុកនៅសាលាខណ្ឌទួលគោក ៕

ដោយ៖ ស ដារ៉ា