ភ្នំពេញ៖នៅថ្ងៃទី១៣​ ខែកញ្ញា​ នេះ​ លោក​ សុធា​ អរុណ​ អតីតនាយកប្រតិបត្តិអង្គការសុវណ្ណកុមារកម្ពុជា​ បាន ផ្ញេីលិខិតមួយច្បាប់ដេីម្បីបង្ហាញភាពស្អាតស្អំលេីពាក្យចោទប្រកាន់របស់លោកស្រី​ Kara Heide តាមលិខិតបញ្ឈប់ការងារ​ ។

លោក​ សុធា​ អរុណ​ បានផ្ញេីលិខិតបំភ្លឺនេះ​ ជូនចំពោះលោក វង​ សូត​ រដ្ឋមន្ត្រីក្រសួងសង្គមកិច្ច​ អតីតយុទ្ធជន​ និង​យុវនីតិសម្បទា​ ។

ជាមួយគ្នានេះ​ ខាងអង្គការសុវណ្ណកុមារកម្ពុជា​ ក៏បានផ្ញេីសេចក្តីបំភ្លឺផងដែរ​ ដោយមានខ្លឹមសារទាំងស្រុង​ ដូចខាងក្រោម​ ៖​

អតីតប្រធានអង្គការកុមារ លោក អរុណ សុធា កំពុងស្ថិតក្រោមការស៊ើបអង្កេតក្នុងបទរំលោភបំពានលើកុមារធ្ងន់ធ្ងរ និងមានលក្ខណៈជាប្រព័ន្ធដែលត្រូវបានរកឃើញនៅឯ Sovann Komar LLC ស្ថិតនៅក្នុងរាជធានីភ្នំពេញ។ ក្រុមអ្នកស៊ើបអង្កេតបានរកឃើញភ័ស្តុតាងដែលថាក្នុងកំឡុងពេលដែលគាត់ជានាយកប្រតិបត្តិនៃអង្គការអន្តរជាតិ Sovann Komar LLC លោក សុធា បានធ្វើការរំលោភបំពានលើរាងកាយ និងធ្វើឱ្យកុមារមានគ្រោះថ្នាក់ជិតស្លាប់។ អ្នកគ្រប់គ្រងថ្នាក់ខ្ពស់របស់អង្គការកុមារនេះក៏កំពុងស្ថិតក្រោមការស៊ើបអង្កេតសម្រាប់ការបង្កើត បរិយាកាសមួយដែលធ្វើអោយកុមារត្រូវបានមានការឆ្លានពាននិងរំលោភបំពានលើរាងកាយ និងផ្លូវភេទ។

ភ័ស្តុតាងនេះបានលេចឡើងក្នុងកំឡុងពេលពិនិត្យមើលប្រតិបត្តិការនៅអង្គការកុមារដែលនៅក្រោមបន្ទុកដោយ Golden Children Inc. ដែលជាអង្គការសប្បុរសធម៌របស់អាមេរិកដែលគ្រប់គ្រង Sovann Komar LLC ។

នៅថ្ងៃទី២៣ ខែសីហា លោក​ សុធា និងបុគ្គលិកដែលចូលរួមក្នុងអំពើររំលោភបំពានលើកុមារ នៅអង្គការសុវណ្ណកុមារត្រូវបានបញ្ឈប់ជាលទ្ធផលនៃការសន្និដ្ឋានទាំងនេះតាមរយះភ័ស្តុតាង ដែលបានរកឃើញតាមការស៊ើបអង្កេតពត៌មានលំអិតនៃករណីឃោរឃៅដែលកើតឡើងទាំងនេះ។

ខាងក្រោមនេះជាករណីចំនួន ៣ ដែលត្រូវបានបញ្ជាក់ដោយសាក្សី៖

នៅក្នុងការដាក់ទណ្ឌកម្មដ៏ធ្ងន់ធ្ងរមួយ កុមារម្នាក់ត្រូវបានបង្អត់អាហារអស់រយៈពេលជាងមួយសប្តាហ៍ លោក សុធា បានបដិសេធចំពោះការរំលោភបំពាន និងសកម្មភាពនៃការបង្អត់អាហារនេះ មូលហេតុនេះហើយទើបឪពុកម្តាយចិញ្ចឹមត្រូវសុំការអនុញ្ញាតពី លោក សុធា ដើម្បីផ្តល់អាហារដល់កុមារ។

កុមារនេះបានជំទាស់នឹងការប្រើប្រាស់ថវិកាមិនត្រឹមត្រូវរបស់ លោក សុធា និងទំនាក់ទំនងផ្លូវភេទមិនសមរម្យមួយចំនួនរវាង លោក សុធា និងសមាជិកក្នុងអង្គការនេះ។ សង្សារ និងសមាជិកគ្រួសាររបស់លោក សុធា បានធ្វើទារុណកម្មផ្លូវចិត្តលើកុមារខណៈពេលដែលគាត់ត្រូវបានគេឃុំនៅក្នុងការិយាល័យមួយក្នុងអាគារនោះអស់រយៈពេលជាច្រើនថ្ងៃជាមួយនឹងរឿងខ្មោច និងឧបាយកលព្យាបាទ។ ក្រោយមកក្មេងនេះត្រូវបានអ្នកស្រុកបង្ខំឱ្យចាកចេញពីការិយាល័យ ហើយអោយនៅខាងក្រៅរយៈពេលមួយសប្តាហ៍ដោយគ្មានទីជំរកសមរម្យ។

លោក សុធា នៅពេលនោះបានរៀបចំផែនការដើម្បីបង្ហាញថាកុមារនេះមានជំងឺវិកលចរិក។ កុមារពីរនាក់ត្រូវបានស្រោចដោយទឹកក្តៅ ចាក់សោរនៅក្នុងទូព្យួរខោអាវ និងត្រូវបានឪពុកម្តាយចិញ្ចឹមដែលគេជួលឱ្យធ្វើការនៅកន្លែងនោះវាយធ្វើបាប។ ក្មេងស្រីជំទង់ម្នាក់ត្រូវបានបុគ្គលិកអង្គការកុមារដែលត្រូវជាបងប្អូនរបស់ម្តាយចិញ្ចឹមរបស់ក្មេងជំទង់នោះរំលោភបំពានម្តងហើយម្តងទៀត។ លោក សុធា បានសម្តែងការជំទាស់នឹងការកាត់ទោសករណីនេះដោយសារតែទំនាក់ទំនងរបស់គាត់នៅក្នុងអង្គការកុមារនេះ។

ករណីឃោឃៅបែបនេះគឺជាការឈានទៅរកការប្រើអំពើហឹង្សាជាច្រើនឆ្នាំទៅលើកុមារដោយគ្រួសារចិញ្ចឹមក្រោមការដឹកនាំរបស់លោក សុធា រួមទាំងការរំលោភបំពានផ្លូវភេទពីសមាជិកគ្រួសារឪពុកម្តាយចិញ្ចឹម។ លោក សុធា និងថ្នាក់ដឹកនាំកំពូលរបស់លោកបានអនុវត្តយ៉ាងតឹងរឹងនូវបរិយាកាសបែបឋានានុក្រមដែលកុមារត្រូវទទួលរងការរំលោភបំពាន និងការធ្វេសប្រហែសពីក្រុមគ្រួសារចិញ្ចឹមរបស់ពួកគេហើយត្រូវបានដាក់ទោសគ្នាទៅវិញទៅមកដោយផ្អែកលើទំនាក់ទំនងរបស់ពួកគេជាមួយលោក​ សុធា។

យោងទៅតាមសក្ខីកម្មដែលប្រមូលបានពីបុគ្គលនៅក្នុងអង្គការកុមារនេះបាននិយាយថាលោក សុធា គឺជាមនុស្សដែលឈ្លានពានក្នុងការរំលោភបំពានដែលបានបង្កើតវប្បធម៌នៃការភ័យខ្លាច និងការបំភិតបំភ័យនៅក្នុងអង្គការកុមារដែលសម្របសម្រួលដោយវប្បធម៌និទណ្ឌភាពដែលអាចបង្កឱ្យមានករណីប្រើអំពើហឹង្សាថែមទៀត។

ភ័ស្តុតាងនេះត្រូវបានបញ្ជាក់ដោយលោក Bradley Gordon មេធាវីដែលមានបទពិសោធជំនាញ ១២ ឆ្នាំនៅកម្ពុជា និងជាសមាជិកនៃគណៈមេធាវីញូវយ៉ក និងជាក្រុមហ៊ុនច្បាប់មួយនៅកម្ពុជា។ គាត់កំពុងដើរតួជាអំណាចមេធាវីអោយ Sovann Komar LLC ។

នៅក្នុងបទសម្ភាសន៍ជាបន្តបន្ទាប់ដែលធ្វើឡើងក្នុងរយៈពេល ៣ ខែចុងក្រោយដោយលោក Gordon និងក្រុមស៊ើបអង្កេតនៃក្រុមប្រឹក្សាភិបាល Golden Children Inc.បានរកឃើញថាលោក សុធា បានរំលោភបំពានយ៉ាងធ្ងន់ធ្ងរនូវគោលនយោបាយនៃ “ ការត្រឡប់ទៅជួបជុំជាមួយគ្រួសារបង្កើតវិញ” ដើម្បីគំរាម និងដាក់ទោសកុមារនៅក្នុងអង្គការ។ ក្រុមការងារបានរកឃើញក្មេងស្រីជំទង់ម្នាក់ និងអតីតអ្នករស់នៅមណ្ឌលកុមារកំព្រានេះកំពុងរស់នៅក្នុងតំបន់អនាធិបតេយ្យបន្ទាប់ពីនាងត្រូវបានគេបណ្តេញចេញពីអង្គការ។

ក្រុមប្រឹក្សាភិបាលក៏បានដឹងពីក្មេងម្នាក់ទៀតដែលត្រូវ “បញ្ចូលឱ្យត្រឡប់ទៅជួបជុំជាមួយគ្រួសារបង្កើតវិញ” ប៉ុន្តែពួកគេមិនបានបញ្ជូនគាត់ឱ្យទៅរស់នៅជាមួយឪពុកម្តាយបង្កើតរបស់គាត់វិញទេ។ កូនទីបីត្រូវបានបញ្ចូលទៅក្នុងគ្រួសារមួយដែលគ្មានមធ្យោបាយហិរញ្ញវត្ថុហើយពួកគេឱ្យគាត់រកស៊ីចិញ្ចឹមជីវិតដោយដឹកសាកសពទៅវត្ត។ ក្រោយមកគាត់ត្រូវបានចាប់ខ្លួនពីបទពាក់ព័ន្ធនឹងគ្រឿងញៀន។

ក្រុមប្រឹក្សាភិបាលនៃ Golden Children Inc កំពុងរៀបចំបណ្តឹងព្រហ្មទណ្ឌ។ ការស៊ើបអង្កេតលើវិសាលភាពនៃការរំលោភបំពានលើកុមារ និងការក្លែងបន្លំហិរញ្ញវត្ថុនៅតែបន្ត។ លោក សុធា បានចាត់វិធានការយ៉ាងសកម្មដើម្បីរារាំងការស៊ើបអង្កេតនេះ។ លោក សុធា ក៏ត្រូវបានគេគិតថាមានចាត់ចែងមណ្ឌលកុមារកំព្រាដទៃទៀតដែលមិនមានទំនាក់ទំនងជាមួយ Golden Children Inc។

អតីតសន្តិសុខជាច្រើននាក់ដែលត្រូវបានបញ្ឈប់ដើម្បីធានាការការពារកុមារនៅតាមបរិវេណអង្គការមិនបានវិលត្រឡប់មកពិនិត្យឡើងវិញពីប្រាក់បំណាច់ដូចដែលត្រូវបានផ្តល់ដោយ Sovann Komar LLC ស្របតាមច្បាប់កម្ពុជាឡើយ។ ផ្ទុយទៅវិញនៅថ្ងៃទី៣ ខែកញ្ញាពួកគេបានប្រមូលផ្តុំគ្នានៅក្នុងអង្គការកុមារដើម្បីធ្វើបាតុកម្មប្រឆាំងនឹងលោក Gordon ដោយអះអាងថាពួកគេត្រូវបានបណ្តេញចេញពីតំណែងដោយអយុត្តិធម៌។

បន្ទាប់ពីការបញ្ឈប់ការងាររបស់គាត់លោក សុធា និងឪពុកម្តាយចិញ្ចឹមមួយចំនួនដែលបានធ្វើការរំលោភបំពានបានធ្វើសកម្មភាពតាមរបៀបដើម្បីបង្កគ្រោះថ្នាក់បន្ថែមទៀត និងបង្កគ្រោះថ្នាក់ដល់កុមារនៅឯសុវណ្ណកុមារដោយកំណត់អត្តសញ្ញាណពួកគេជាសាធារណៈតាមបណ្តាញសង្គម និងញត្តិដែលត្រូវបានផ្សព្វផ្សាយជាសាធារណៈ។ សំណួរនៅតែចោទសួរថាតើបណ្តឹងនេះគួរតែលើកលែងអោយ ឬចាត់វិធានការតាមផ្លូវច្បាប់។

Golden Children Inc. បានចាត់តាំងបុគ្គលិកថ្មីដើម្បីធានាថាកុមារដែលជាផ្នែកមួយនៃអង្គការសុវណ្ណកុមារកំពុងទទួលបានការយកចិត្តទុកដាក់ និងការគាំទ្រដែលពួកគេត្រូវការ។ ត្រូវបានចាត់វិធានការប្រុងប្រយ័ត្នដើម្បីធានាថាពួកគេអាចទប់ទល់នឹងការផ្លាស់ប្តូរនេះបាន។ អង្គការនេះក៏កំពុងចាត់វិធានការដើម្បីវាយតម្លៃឡើងវិញនូវគោលនយោបាយការពារកុមាររបស់ខ្លួន និងការបកស្រាយខុស និងការធ្វេសប្រហែសដែលអនុញ្ញាតឱ្យមានការរំលោភបំពាននេះត្រូវបានអនុវត្តអស់រយៈពេលជាងមួយទសវត្សរ៍។

អាជ្ញាធរ និងក្រសួងពាក់ព័ន្ធខាងក្រោមនឹងត្រូវជូនដំណឹងអំពីការវិវត្តនានាមានដូចជា៖ ក្រសួងសង្គមកិច្ច អតីតយុទ្ឋជន និងយុវនីតិសម្បទា ក្រសួងការងារ និងបណ្តុះបណ្តាលវិជ្ជាជីវៈ ក្រសួងមហាផ្ទៃ អង្គភាពប្រឆាំងអំពើពុករលួយ និងស្ថានទូតសហរដ្ឋអាមេរិកនៅភ្នំពេញ។

សម្រាប់ការសាកសួរព័ត៌មានបន្ថែមសូមទាក់ទងមកអង្គការសុវណ្ណកុមារដូចខាងក្រោម៖
សូមកត់សម្គាល់ថាអាជ្ញាធរ និងម្ចាស់ជំនួយកំពុងចាប់អារម្មណ៍ពីព័ត៌មានបន្ថែមស្តីពីការប្រព្រឹត្ត
មិនត្រឹមត្រូវរួមមានការលួចបន្លំ ការរំលោភបំពាន និងអំពើពុករលួយផ្សេងៗដើម្បីឱ្យភាគីមានកំហុសទាំងអស់អាចត្រូវបានកាត់ទោស។ យើងសូមលើកទឹកចិត្តដល់អ្នកដែលបានដឹងព័ត៌មានទាំងនេះឱ្យទាក់ទងមកយើងតាមរយៈ៖
អុីម៉ែល: [email protected]
លេខទូរស័ព្ទ: 081741423