ភ្នំពេញ ៖ ការអភិវឌ្ឍជាគោលនយោបាយដែលរាជរដ្ឋាភិបាលបានជំរុញដាក់ ចេញស្របតាមប្រទេសកំពុងមានសុខសន្តិភាពពេញលេញ ប៉ុន្តែការធ្វេសប្រហែសធ្វេីអោយទ្រព្យសម្បតិ្តអ្នកដទៃខូចខាតនោះជាទំនួលខុសត្រូវរបស់ម្ចាស់សំណង់ចំពោះមុខច្បាប់ ។
នៅមុននេះបន្តិចមានករណីដែកបំពង់ទីបប្រវែងវែងបានធ្លាក់ពីលេីអគាររបស់ក្រុម ហ៊ុន CEO KT PACIFIC ជុងរថយន្តមួយគ្រឿង បណ្តាលអោយខូចខាត តែមិនបណ្តាលអោយមនុស្សរបួសឬស្លាប់នោះទេ។
ហេតុការណ៍នេះបានកើតហេតុនាវេលា ម៉ោង២រសៀលថ្ងៃទី២៨ ខែកញ្ញា ឆ្នាំ២០១៩ ស្ថិតក្នុងសង្កាត់វាលវង់ ខណ្ឌ៧មករា រាជធានីភ្នំពេញ ។
ការដ្ឋានសំណង់នេះឈ្មោះ CEO KT PACIFIC មានទីតាំងនៅក្បែរបុរីកីឡា ជាប់សាលាខណ្ឌ៧មករា ។
ប្រភពព័ត៌មាននៅកន្លែងកើតហេតុដកស្រង់សម្តីម្ចាស់រថយន្តខាងលើបានឲ្យ ដឹងថា កូនៗរបស់គាត់ត្រឡប់ពីដំណើរកំសាន្តនៅតាមខេត្ត ហើយក៏បានចុះពីរថយន្តនាំគ្នាជញ្ជូនឥវ៉ាន់ចូលក្នុងផ្ទះ ខណៈបម្រុងយករថយន្តចេញទៅក្រៅស្រាប់តែមិនទាន់បានឡើងរថយន្តផងក៏ធ្លាក់ដែកពីលើការដ្ឋានសំណង់របស់ជនជាតិចិនមួយកន្លែងយីហោCEO KT PACIFIC ក្បែរបុរីកីឡា ជាប់សាលាខណ្ឌ៧មករា ជុងជាប់រថយន្ត Camry បាឡែន មួយគ្រឿង ពណ៌ទឹកប្រាក់ ដែលពាក់ស្លាកលេខ ភ្នំពេញ2AH-0191 បណ្តាលឲ្យរងការខូចខាត តែមិនមានមនុស្សរងរបួសឡេីយ ។
ប្រភពពីពលរដ្ឋរស់នៅក្បែរៗនោះបានរៀបរាប់ប្រាប់ថា ករណីធ្លាក់ដែកខាង លើនេះមិនមែនមានតែម្តងនេះទេ គឺធ្លាក់២ទៅ៣ដងហើយ អាជ្ញាធរតែង ចុះមកណែនាំអោយគោរពតាមច្បាប់ សំណង់ដែរ ប៉ុន្តែករណីបែបនេះនៅតែកេីតមានឡេីងដដែលៗ ៕ ដោយ ៖ ជាយក្រុង
