ខេត្តព្រះសីហនុ ៖ ករណីបុគ្គលិកកាសុីណូអុីងជរ័ នៅជិតរង្វង់មូលតោ២ ប្រមូលផ្តុំគ្នាធ្វើការតវ៉ាជាមួយក្រុមហ៊ុនកាលពី យប់ថ្ងៃ០១តុលា២០១៩។ នេះបើតាមលោកយ៉ូវ ខេមរ៉ា ប្រធានមន្ទីរការងារ បណ្តុះបណ្តាលវិជ្ជាជីវៈខេត្តព្រះសីហនុ។
លោកថា ទទួលព័ត៌មាននេះភ្លាមៗ មន្ត្រីជំនាញបានចុះទៅសម្របសម្រួលដោះ ស្រាយ ដោយបញ្ជាក់តាមរបាយការណ៍ថា កាស៉ីណូនេះមានកម្មករនិយោជិត សរុប ៦០៩ នាក់ ស្រី ២៤៦ នាក់(សម្រាប់កម្មករនិយោជិតចូលរួមតវ៉ាមានចំនួន ជាង៤០ នាក់) ក្នុងនោះមានការ ទាមទាចំនួន៤ចំណុច៖
១– ការបញ្ចប់កិច្ចសន្យារបស់ប្រធានក្រុម ពីរ នាក់ត្រូវទូទាត់តាមច្បាប់។
២– ការរក្សាលុយធីបដោយបុគ្គលដែលទទួលបាន ។
៣– ផ្លាស់ប្តូរឥរិយាបទ ឲ្យតម្លៃ និងភាពស្មើសិទ្ធិរវាងកម្មករនិយោជិតខ្មែរ និងបរទេស ។
៤– ត្រូវចុះបញ្ជិកាបេឡាជាតិសន្តិសុខសង្គមលើរបបគ្រោះថ្នាក់ការងារ និងថែទាំសុខភាព ។
លោកប្រធានមន្ទីរបញ្ជាក់ថា ក្រោយការសម្រុះសម្រួលពីមន្រ្តីជំនាញទទួល បានលទ្ធផលសះជាវិញហើយ ៕ឆ្លាម សមុទ្រ
