ខេត្តកំពង់ធំ៖ ក្មេងស្រីម្នាក់ឈ្មោះ នេន ចាន់ណី អាយុ៦ឆ្នាំ បានរត់ឆ្លងថ្នល់ត្រូវបានរថយន្ដ NAVARA ពណ៍ខ្មៅ ពាក់ផ្លាក់លេខ ភ្នំពេញ 2AA 9915 បុកស្លាប់នៅចំនុច ភូមិតាប្រុក ឃុំឈូកខ្សាច់ ស្រុកបារាយណ៍ ខេត្តកំពង់ធំ នៅវេលាម៉ោង ៣ និង១៥នាទីរសៀល ថ្ងៃទី៣០ ខែធ្នូ ឆ្នាំ២០១៥ ។
ម្ដាយក្មេងស្រីមានឈ្មោះ ស្រេង អាយុ ២៥ឆ្នាំ និងឪពុកឈ្មោះ ណាត់ អាយុ ២៧ឆ្នាំ រស់នៅក្នុងភូមិតាប្រុក ឃុំឈូកខ្សាច់ ស្រុកបារាយណ៍ ខេត្តកំពង់ធំ បានយំសោក បោកខ្លួនដោយសារតែនឹកអាឡោះអាល័យចំពោះកូនស្រី របស់ខ្លួនដោយសារតែពេលវេលាលឿនពេក ធ្វើអោយគាត់ទាំង២មិនអាចទទួលយកហេតុការណ៍ដែលកើតឡើងក្នុង១ពព្រិចភ្នែក ចំណែក ម្ចាស់រថយន្ដជនបង្កបានទុករថយន្ដចោលរួចរត់បាត់ស្រមោល ត្រូវបានសមត្ថកិច្ចយករថយន្តទៅរក្សាទុកនៅអធិការដ្ឋាន នគរបាលស្រុកបារាយណ៍ រង់ចាំម្ចាស់ចូលខ្លួនទៅដោះស្រាយ តាមច្បាប់ ។ ក្មេងរងគ្រោះត្រូវបានម្ដាយឪពុកយកទៅធ្វើបុណ្យតាមប្រពៃណីពុទ្ធសាសនា ៕
ដោយ៖ ប៊ុន រិទ្ធី
