ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានផ្សព្វផ្សាយជាសាធារណៈនូវរូបថតសប្បាយរីករាយជាមួយក្រុមគ្រួសាររបស់សម្តេច ជាពិសេសចៅប្រុស ចៅស្រីរបស់សម្តេចតែម្តង ។
នៅលើហ្វេសប៊ុករបស់សម្តេចតេជោហ៊ុន សែន កាលពីថ្ងៃទី៣១ ខែធ្នូ ឆ្នាំ២០១៥ សម្តេចបាន សរសេរថា៖
«នៅសល់តែប៉ុន្មានម៉ោងទៀតដាច់ឆ្នាំចាស់ ២០១៥ ចូលឆ្នាំថ្មី ២០១៦!
ខ្ញុំនិងភរិយា សូមជូនពរបងប្អូនជនរួមជាតិទូទាំងប្រទេស ជួបតែពុទ្ធពរទាំង៤ប្រការ។ ចំណែកខ្ញុំវិញឆ្នាំនេះសប្បាយចិត្តដោយបានមកសំរាកទាំងកូនទាំងចៅជុំគ្នានៅមាត់សមុទ្រ ដែលផ្តល់ឱកាសឱយខ្ញុំមិនត្រឹមតែបានជួបជុំកូនចៅប៉ុណ្ណោះទេ តែបានផ្តល់ឱយខ្ញុំបានជួបប្រាស្រ័យជាមួយប្រជាជន ស្វែងយល់សុខទុក្ខប្រជាជនបានថែមទៀតផង។
សំរាប់ជីវិតគ្រួសារក៏ជិតដល់ខួប៤០ឆ្នាំ នៃថ្ងៃរៀបការរវាងខ្ញុំ និង ភរិយាដែរ។ ក្នុងបទចម្រៀងមួយមានពាក្យ ថា”ស្នេហ៍វ័យចំណាស់ ចេះថ្នាក់ថ្នមចិត្ត”។ ឯខ្ញុំខុសពីនេះ ដោយប្រើពាក្យថា “ស្នេហ៍វ័យចំណាស់ចេះថ្នាក់ថ្នមខ្លួន”។ សុំស្វែងយល់ និង សូមមើលរូបថតដែលខ្ញុំជូនទៅជាមួយ»៕
