ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានសរសេរបញ្ជាក់លើហ្វេសប៊ុកសម្តេច នៅថ្ងៃសុក្រនេះថា ថវិកាដែលបានមកពីសប្បុរសជនទាំងឡាយដើម្បីចូលរួមធ្វើទំនើបកម្មមន្ទីរពេទ្យកាល់ម៉ែត បានកើនដល់ចំនួន៧០,១៩១,៩៩៤ដុល្លារ និងប្រាក់រៀលចំនួន៣២,១១០០០០រៀល ។ បើគិតទាំងថវិការ៣០លានដុល្លាររបស់រាជរដ្ឋាភិបាលផងចំនួនទឹកប្រាក់ឡើងដល់ជាង១០០លានដុល្លារ ។
សម្តេចតេជោបានអះអាងទៀតថា ការកើនចំនួនថវិកានេះ បានធ្វើឱ្យយើងមានលទ្ធភាពរៀបចំមន្ទីរពេទ្យកាល់ម៉ែត ឱ្យក្លាយទៅជាមជ្ឈមណ្ឌលពហុបច្ចេទេសសម្រាប់ការពិនិត្យព្យាបាលជូនប្រជាជនយើងឱ្យកាន់តែមានប្រសិទ្ធភាព ។
...
សម្តេចបានបង្ហាញពីទឹកចិត្តថា សូមអរគុណចំពោះសប្បុរសជនទាំងអស់ដែលចូលរួមបរិច្ចាគដើម្បីសង្រ្គោះជិវិតមនុស្សតបតាមការអំពាវនាវរបស់របស់សម្តេច ។ (នាមសប្បុរសជននឹងផ្សាយជូនតាមបណ្តាញ) ៕
