លោកស្រី ហ៊ុន ស៊ីណាត៖ ច្បាប់ ចរាចរណ៍ថ្មីប្រជាជនប្រតិកម្មខ្លាំង ពេកខ្ញុំសម្រាកនៅពេទ្យចិត្ដមិនស្ងប់ទេ

ចែករំលែក៖

ភ្នំពេញ៖ លោកស្រី ហ៊ុន ស៊ីណាត ដែលត្រូវជាប្អូនស្រីបង្កើតសម្ដេចនាយក រដ្ឋមន្ដ្រី ហ៊ុន សែន បានសរសេរបង្ហោះ លើទំព័រហ្វេសប៊ុកថា“ដោយមើលឃើញពីភាពរំជើបរំជួលពីសំណាក់ប្រជាពលរដ្ឋចំពោះច្បាប់ចរាចរណ៍ថ្មីដែលបាននិង កំពុងអនុវត្ដនាងខ្ញុំសូមបញ្ចេញមតិក្នុង នាមពលរដ្ឋមួយរូបនៅកម្ពុជា។ តើច្បាប់ បង្កើតឡើងដើម្បីជួយការពាររាស្ដ្រឬធ្វើ បាបរាស្ដ្រ? ប្រសិនបើចង់រិតបណ្ដឹងច្បាប់ ដើម្បីកាត់បន្ថយគ្រោះថ្នាក់ចរាចរណ៍គឺ គួរតែចាប់ផ្ដើមចេញពីសណ្ដាប់ធ្នាប់នៃ ការបើកបរនិងការចតយានជំនិះគ្មាន សណ្ដាប់ធ្នាប់នៅលើតាមដងវិថីនាៗមិន មែនចែងច្បាប់ចេញមកយកការផាកពិ ន័យជាប្រាក់ច្រើនបែបនេះឡើយប្រជាជនកម្ពុជានៅមានកង្វះខាតផ្នែកចំណេះដឹង។

aes

ហេតុដូច្នេះយើងគួរតែចូលរួមផ្សព្វ ផ្សាយចំណេះដឹងឱ្យបានទូលំទូលាយជាមុនសិនមុននិងអនុវត្ដច្បាប់បែបប្រទេសជឿន លឿនបែបនេះ។ រឿងផ្ទេរឈ្មោះរថយន្ដ ក៏ជាដើមចមមួយដែរ។ សួរថាចុះអ្នក ដែលទិញរថយន្ដពីមុនហើយតើតម្រូវឱ្យ គ្នាដើររកម្ចាស់ដើមដើម្បីផ្ទេរឈ្មោះមែន ទេ?ឯប័ណ្ណសម្គាល់រថយន្ដដែលតម្រូវឱ្យយកតាមខ្លួននោះចុះបើចោរវាប្លន់ហើយយកទៅទាំងអស់តើជនរងគ្រោះបានអ្វី សម្អាងជាមួយសមត្ថកិច្ចដើម្បីតាមរក រថយន្ដ ម៉ូតូ ដែលត្រូវចោរលួចនោះ? ខ្ញុំសង្កេតឃើញថាមានមតិខ្លះឱ្យយកកាតគ្រីកូពីទៅបញ្ជាក់ពីសាលាខ័ណ្ឌតើវាជា សេវាកម្មហ្វ្រី(Free) ឬ?

ខ្ញុំស្ទើរតែមិនជឿរថា មានសេវាកម្ម បែបនោះព្រោះថាសូម្បីតែប័ណ្ណគ្រួសារ ការធ្វើអត្ដសញ្ញណប័ណ្ណនាៗក៏នៅមាន អំពើរសូកប៉ាន់នៅឡើយទោះបីជាមាន ប្រតិកម្មពីថ្នាក់ដឹកនាំជាន់ខ្ពស់ក៏ដោយ។ ក្នុងនាមប្រជាពលរដ្ឋមួយរូបនាងខ្ញុំសូមសំណូមពរដល់ថ្នាក់ដឹកនាំមេត្ដាត្រួតពិនិត្យ លើច្បាប់ថ្មីនេះមុននិងដាក់អនុវត្ដព្រោះថាប្រជាជនកុំពុងតែមានប្រតិកម្មខ្លាំងណាស់។ សូមមេត្ដាបង្កើនការពន្យល់អប់រំនិងពង្រឹក សណ្ដាប់ធ្នាប់នាៗនៅលើចិញ្ចើមផ្លូវដែលហាងខ្លះយកជាកម្មសិទ្ធចតយានយន្ដ ប្រសើរជាងបង្កើតច្បាប់បែបនេះ។ រឹត បណ្ដឹងលើការបើកបរនាៗដែលមានពាក់ព័ន្ធនិងគ្រឿងស្រវឹងហើយគួរតែដាក់ពិន័យឱ្យខ្លាំងចំពោះជនណាដែលបើកបរលើស ល្បឿនកំណត់និងសេពគ្រឿងស្រវឹងក្នុង កំឡុងពេលបើកបរល្អជាង។ រិតបណ្ដឹង រថយន្ដធំៗដែលបើកបរដោយបុគ្គល ដែលគ្មានប័ណ្ណបើកបរឬដាក់បន្ទុកលើ ក្រុមហ៊ុនជួលឡានធំៗដែលមិនបានយកចិត្ដទុកដាក់ចំពោះអាយុជីវិតអ្នកដទៃនៅ ពេលដែលបុគ្គលិករបស់ខ្លួនបើកបរដោយ មិនគោរពសិទ្ធិអ្នកដ៏ទៃ”។

ជាចុងក្រោយលោកស្រីបានបញ្ជាក់ បន្ថែមថា“ដើរចង់ពេញពិភពលោក ហើយស្រុកគេក៏មិនដែលមានចែងច្បាប់ចឹងដែលភាគច្រើនគេរឹតបន្ដឹងទៅលើក ការបើកបរលើសល្បឿននៃច្បាប់កំណត់ និងគ្រឿងស្រវឹងដូចនៅប្រទេសលោកខាងលិចប្រជាជនមានអាយុ២១ឆ្នាំបានផឹក គ្រឿងស្រវឹងបានហើយនៅឆ្នាំកន្លងទៅ ២០១៥គេបន្ថែមដល់២៣ឆ្នាំបានផឹកស្រាបានព្រោះស្រានិងការបើកបរលើសល្បឿន បានវាបង្កគ្រោះថ្នាក់ជាងសង្ឃឹមថាក្រសួង មហាផ្ទៃនិងសភាជាពិសេសសម្ដេចតេ ជោ ហ៊ុន សែន ពិនិត្យនិងពិចារណា បន្ថែមទៀតនៅច្បាប់ចរាចរណ៍ថ្មី២០១៦ នេះប្រជាជនប្រតិកម្មខ្លាំងពេកខ្ញុំសម្រាក នៅពេទ្យចិត្ដមិនស្ងប់ទេសរសេរបានតែ ថ្ងៃនេះព្រោះពេទ្យហាមមិនឱ្យប្រើដៃចុច ច្រើនទៀតព្រោះជាប់សន្លាក់ឆ្អឹងករនឹក បងប្អូន ក្មួយៗ ពូមីង និង កូនចៅណាស់ ឆ្នាំថ្មី២០១៦សូមជូនពរបងប្អូនមិត្ដហ្វេស ប៊ុកទាំងអស់សំណាងល្អ” ៕