ភ្នំពេញ ៖ នៅថ្ងៃទី១៣ខែធ្នូឆ្នាំ២០១៩ កំលាំងប៉ុស្តិ៍នគរបាលរដ្ឋបាលផ្សារកណ្តាលទី១នៃអធិការដ្ឋាននគរបាលខណ្ឌ ដូនពេញ បានឃាត់ខ្លួនជនសង្ស័យម្នាក់ករណីលួចកាបូបលុយជនបរទេសនៅចំណុចច្រាំងទន្លេសួនច្បារផ្លូវព្រះស៊ីសុវត្ថិ ភូមិទី៣ សង្កាត់ផ្សារកណ្តាលទី១ ខណ្ឌដូនពេញរាជធានីភ្នំពេញ។
សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនមាន ឈ្មោះវ៉ាន់ ចាន់រស្មី អាយុ២៩ ជនជាតិខ្មែរ មុខរបរនឹងទីលំនៅមិនពិតប្រាកដ។ ចំណែកជនរងគ្រោះ ឈ្មោះ MiLin JasMies ភេទស្រី អាយុ២៥ឆ្នាំ ជនជាតិប៊ែលស៊ិច មុខរបទេសចរណ៏ដែលមានទីលំនៅHotel Po Rock សង្កាត់ទន្លេបាសាក់ខណ្ឌចំការមនរាជធានីភ្នំពេញ។
សមត្ថកិច្ចបានឲ្យដឹងទៀតថា មុនពេលកើតហេតុ ជនរងគ្រោះនឹងមិត្តភាពបាននាំគ្នាទៅអង្គុយលេងនៅច្រាំងទន្លេសួនច្បារផ្លូវព្រះស៊ីសុវត្ថិភូមិ៣ សង្កាត់ផ្សារកណ្ដាលទី១ខណ្ឌដូនពេញរាជធានី សស្សស្រាប់តែមានសង្ស័យម្នាក់បានដើរមកធ្វើសកម្មភាពលួចយកកាបូបលុយ របស់ជនរងគ្រោះបានសម្រេចគេចខ្លួនពេលនោះ ជនរងគ្រោះក៏បានស្រែកឆោឡោឡើង ស្របពេលនោះកម្លាំងនគរបាលប៉ុស្តិ៍រដ្ឋបាលផ្សារកណ្តាលទី១ ដែលកំពុងល្បាតឃើញបានអន្តរាគមន៍ដេញឃាត់ខ្លួនបានជនសង្ស័យ រួមជាមួយវត្ថុតាកាបូបលុយរបស់ជនរងគ្រោះយកមកប៉ុស្តិ៍នគរបាលរដ្ឋបាលផ្សារកណ្តាលទី១។
វត្ថុតាងដកហូតបានពីជនសង្ស័យមានកាបូបលុយ មានលុយដុល្លារចំនួន៨៩$ លុយខ្មែរចំនួន ៣៣៦០០រៀល ។
បន្ទាប់ពីឃាត់ខ្លួនជនសង្ស័យកំពុងបណ្តោះអាសន្ននៅអធិការដ្ឋាននគបាលខណ្ឌដូនពេញ ដើម្បីកសាងសំណុំរឿងបញ្ជូនបន្តទៅតុលារការចាត់ការបន្តតាមនិតិវិធី ៕ ជ្រោយពេជ្រ
