ភ្នំពេញៈ នៅម៉ោង១២និង00នាទីឈានចូលថ្ងៃទី២១ខែធ្នូឆ្នាំ២០១៩ កម្លាំងនគរបាលខណ្ឌបឹងកេងកង ដឹកនាំដោយលោក វរសេនីយ៍ទោ សុឹម ពិសិដ្ឋ បានឃាត់ខ្លួនជនសង្ស័យ១នាក់បន្ទាប់ពីធ្វើសកម្មភាពឆក់ទូរសព្ទ័ដៃមួយគ្រឿងពីជនរងគ្រោះម្នាក់បានសម្រេចតែរត់មិនរួច នៅត្រង់មុខ ផ្លូវលេខ៣១០ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ។
ជនសង្ស័យដែលឃាត់ខ្លួន
១.ឈ្មោះ រី អុីសា ភេទប្រុសជនជាតិខ្មែរឥស្លាម អាយុ១៨ឆ្នាំ មានទីលំនៅផ្ទះគ្មានលេខ ផ្លូវបេតុង សង្កាត់ជ្រោយចង្វា ខណ្ឌជ្រោយចង្វា។ មុខរបរគ្មាន ជាអ្នកឆក់ (ប្រេីប្រាស់គ្រឿងញៀន) ឃាត់ខ្លួនបាន។
បើតាមប្រភពពត៍មានពី សមត្ថកិច្ច បានអោយដឹងថាមុនកើតហេតុ ជនសង្ស័យម្នាក់បាន ជិះ ម៉ូតូ០១គ្រឿងម៉ាកហុងដា ពណ៌ក្រហម ពាក់ស្លាកលេខភ្នំពេញ1GG-7513 បានធ្វើសកម្មភាពឆក់កាបូបពីបុរសម្នាក់ដែលកំពុងដើរ នៅតាមផ្លូវ៣១០ បន្ទាប់ពីឆក់ទូរសព្ទ័ដៃ ពីជនរងគ្រោះបានហើយភ្លាមៗជនរងគ្រោះបានជិះដេញទាន់ក៏ប្រទាយប្រតប់គ្នា ស្របពេលកម្លាំងល្បាតរបស់អធិការដ្ឋាននគរបាលខណ្ឌបឹងកេងកងមកដល់ក៏ឃាត់ខ្លួនជនសង្ស័យមក សាកសួរភ្លាមៗនៅអធិការដ្ឋាននគរបាលខណ្ឌផងដែរ។
មធ្យោបាយធ្វេីសកម្មភាពដកហូតម៉ូតូC125ពណ៌ក្រហម ពាក់ស្លាកលេខភ្នំពេញ1GG-7513។
ទូរសព្ទ័បានប្រគល់អោយជនរងគ្រោះវិញ។
បច្ចុប្បន្នជនសង្ស័យនិងមធ្យោបាយធ្វេីសកម្មភាពបញ្ជូន
ទៅអធិការដ្ឋាននគរបាលខណ្ឌបឹងកេងកងចាត់ការតាមផ្លូវច្បាប់៕
