ខេត្តស្វាយរៀង ៖ ជនសង្ស័យជាឃាតកបាញ់សម្លាប់ស្ត្រីម្នាក់ជាម្ចាស់ហាងនៅក្រុង បាវិតចំកណ្ដាលក្បាល និងជានារីកំណាន់ចិត្តឪពុករបស់ខ្លួន ក្នុងបួល្មេីសឧក្រិដ្ឋ មានចេតនាគ្រោងទុកជាមុននូវ អំពើឃាតកម្មរៀបចំគម្រោងបាញ់សម្លាប់សងសឹកជំនួសម្តាយ ទីបំផុតប្រព្រឹត្តិបទឧក្រិដ្ឋ បែរជាតំណាងអយ្យការចេញដីកាសន្និដ្ឋានបញ្ជូនអោយស៊េីបសួរ ហេីយចៅក្រមបង្គាប់ឃុំខ្លួនបណ្ដោះអាសន្ន ជាបទល្មេីសមជ្ឈឹមទៅវិញ?
ពីម្សិលមិញតុលាការបានសម្រេចឃុំខ្លួនជនឈ្មោះកែវ ចិត្រាហៅចិត្រហេីយ ក្រោយពីសមត្ថកិច្ចចាប់ បញ្ជូនខ្លូនដែលបានបាញ់សម្លាប់ស្ត្រីម្នាក់ ជាម្ចាស់ហាងនៅក្រុងបាវិត ខេត្តស្វាយរៀង ។
លោក ឈុន ដាវី ចៅក្រមស៊ើបសួរសាលាដំបូងខេត្តនៅថ្ងៃទី២២ ខែធ្នូ ឆ្នាំ២០១៩បានចេញដីកាសម្រេចឲ្យឃុំខ្លួនដាក់ពន្ធនាគារខេត្តស្វាយរៀងលើជនឈ្មោះ កែវ ចិត្រា ហៅចិត្រ ភេទប្រុស អាយុ២៩ឆ្នាំ ជនជាតិខ្មែរ មុខរបរអធិការរងនគរបាលក្រុងបាវិត កំណើតកេីតនៅភូមិតាបឹប សង្កាត់បាវិត ក្រុងបាវិត ខេត្តស្វាយរៀង និងមានទីលំនៅបច្ចុប្បន្ននៅភូមិតាបឹប សង្កាត់បាវិត ក្រុងបាវិត ខេត្តស្វាយរៀង ។ ឪពុកឈ្មោះកែវ គង់ ម្តាយឈ្មោះ ហុក សំណាង និងប្រពន្ធឈ្មោះ ស ពៅរតនៈ មានកូន ០១នាក់ជានីតិជន ។
ជននេះត្រូវបានដាក់ក្រោមការពិនិត្យពីបទ ឃាតកម្ម និងបទ កាន់កាប់អាវុធដោយគ្មានការអនុញ្ញាត ប្រព្រឹត្តនៅភូមិតាពៅ សង្កាត់បាវិត ក្រុងបាវិត ខេត្តស្វាយរៀង កាលពីថ្ងៃទី២០ ខែធ្នូ ឆ្នាំ២០១៩ បទល្មើសព្រហ្មទណ្ឌដែលមាន បញ្ញត្តិឲ្យផ្តន្ទាទោសតាមមាត្រា ១៩៩ និងមាត្រា ៤៩០ នៃក្រមព្រហ្មទណ្ឌ ឆ្នាំ២០០៩៕ ដោយ ៖ ជាយក្រុង
