​​

ភ្នំពេញ៖ ដោយសារតែសារធាតុញៀន បានធ្វេីឲ្យជនសង្ស័យ២នាក់ បែកគំនិតធ្វេីសកម្មភាពឆក់កាបូបស្រី្តរងគ្រោះម្នាក់ តែមិនបានសម្រេចត្រូវកម្លាំងក្នុងមូលដ្ឋានប៉ុស្តិ៍បឹងកក់ទី១ ខណ្ឌទួលគោក អន្តរគមន៍ដេញចាប់បានភ្លាមៗ ។

ករណីឃាត់ខ្លួនជនសង្ស័យខាងលេីនេះ បានធ្វេីវេលាម៉ោង២១ និង១០នាទីយប់ថ្ងៃទី៥ ខែមករា ឆ្នាំ២០១៦ ដែលប្រព្រឹត្តនៅចំណុចមុខទីបញ្ជាការ ដ្ឋានកងរាជអាវុធហត្ថលើផ្ទៃប្រទេស ផ្លូវលេខ២៨៩ ក្រុមទី៣១ ភូមិ៨ សង្កាត់បឹងកក់ទី១ ខណ្ឌទួល គោក រាជធានីភ្នំពេញ ។

តាមប្រភពព័ត៍មានពីនគរបាលប៉ុស្តិ៍បឹងកក់ទី១ បានឲ្យដឹងថា ជនសង្ស័យទាំង២នាក់នេះ ទី១-ឈ្មោះ ម៉េង សុខកុសល ហៅសាមឌី ភេទប្រុស អាយុ២២ឆ្នាំ ជនជាតិខ្មែរ មុខរបរពុំពិតប្រាកដ ស្នាក់នៅផ្ទះលេខ៧២ ផ្លូវលេខ៥១៤ ក្រុមទី៥២ ភូមិ១៣ សង្កាត់បឹងកក់ទី១ ខណ្ឌទួលគោក ទី២-ឈ្មោះ ទាវ បញ្ញា ហៅអាច្រមុះ ភេទប្រុស អាយុ១៩ឆ្នាំ ជនជាតិខ្មែរ មុខរបរពុំពិតប្រាកដ ស្នាក់នៅផ្ទះពុំចាំលេខ ផ្លូវលេខ៥៩៨ សង្កាត់ភ្នំពេញថ្មី ខណ្ឌ សែនសុខ រាជធានីភ្នំពេញ ។ ចំណែកឯជនរងគ្រោះ ពុំស្គាល់អត្តសញ្ញាណ ភេទស្រី អាយុប្រហែល ៣២ឆ្នាំ ជិះម៉ូតម៉ាកSuzuki Sma sh ពណ៌ខ្មៅ (ក្រោយពេលកើតហេតុពុំបានដាក់ពាក្យបណ្តឹងទេ ) ។ រីឯវត្ថុតាងដែលបានចាប់យក៖ -ម៉ូតូម៉ាក Honda C125 ពណ៌ខ្មៅ ស៊េរី2012 ពណ៌ខ្មៅ ពាក់ស្លាកលេខភ្នំពេញ 1BM-5728 មានលេខតួ និងលេខម៉ាស៊ីន8737082 ( ជាម៉ូតូ ដែលជនសង្ស័យជិះធ្វើសកម្មភាព ) ។

សមត្ថកិច្ចបានបន្តទៀតថា នៅមុនពេលកើតហេតុ ជនរងគ្រោះពុំស្គាល់អត្តសញ្ញាណ ភេទស្រី អាយុប្រហែល ៣២ឆ្នាំ ជិះម៉ូតូម៉ាក Suzuki Smash ពណ៌ខ្មៅ មានស្ពាយកាបូបមួយ ធ្វើដំណើរតាមដងផ្លូវលេខ២៨៩ ពីត្បូងមកជើង មកដល់ចំណុចកើត ហេតុស្រាប់តែមានជនសង្ស័យ២នាក់ ជិះម៉ូតូតាមមកពីក្រោយស្របទិសគ្នាហើយបានទន្ទឹមអែប ខាងឆ្វេងបានធ្វើសកម្មភាពឆក់កាបូបជនរងគ្រោះ ពុំបានសម្រេចព្យាយាមជិះម៉ូតូគេចខ្លួន ភ្លាមនោះជនរងគ្រោះបានស្រែកចោរៗ ជនសង្ស័យបានជិះ ម៉ូតូដួល ក៏ត្រូវកម្លាំងល្បាតរបស់នគរបាលប៉ុស្តិ៍ បឹងកក់ទី១ អន្តរាគមន៍ឃាត់ខ្លួនជាក់ស្តែងតែម្តង ។

បច្ចុប្បន្នជនសង្ស័យទាំង២នាក់កំពុងឃាត់ខ្លួននៅអធិការដ្ឋាននគរបាលខណ្ឌទួលគោក ដើម្បីសាកសួរ និងកសាងសំណុំរឿងបញ្ជូនទៅសាលា ដំបូងរាជធានីភ្នំពេញ ចាត់ការតាមច្បាប់  ។ ដោយឡែកបេីតាមការធ្វេីតេស្តិ៍ទឹកនោមលទ្ធផលជនសង្ស័យដែលឃាត់ខ្លួនពីបទល្មើសឆក់ នេះពិតជាមានការប្រើប្រាស់គ្រឿងញៀនពិតប្រាកដមែន ៕

ដោយ៖ ស ដារ៉ា