ភ្នំពេញ៖ ជនសង្ស័យម្នាក់ត្រូវសមត្ថកិច្ចឃាត់បានភ្លាមៗក្រោយពីរូបគេបានធ្វើសកម្មភាពលួចយកកាបូបលុយរបស់ជនរងគ្រោះតែរត់មិនរួច។ករណីនេះបានកើតឡើងកាលពីលាម៉ោ១៩និង៣០នាទីថ្ងៃទី០៩ខែកុម្ភៈឆ្នាំ២០២០ នៅចំណុចផ្ទះលក់ភេជ្ជៈលេខ៤៧ ផ្លូវ៩២ ភូមិបន្លាស្អិត សង្កាត់ឃ្មួញ ខណ្ឌសែនសុខ ។
សមត្ថកិច្ចបានអោយដឹងថាជនសង្ស័យ ឈ្មោះ ចាន់ អេងឡុង ភេទប្រុស អាយុ៣៩ ជនជាតិខ្មែរ មុខរបរគ្មាន ស្នាក់នៅបន្ទប់ជួល ផ្លូវបេតុង ភូមិទួលសង្កែ សង្កាត់ទួលសង្កែ ខណ្ឌឬស្សីកែវ (មានសារធាតុញៀន) ។ចំណែកជនរងគ្រោះឈ្មោះ គឹម សាយ ភេទស្រី អាយុ៣៦ឆ្នាំ ជនជាតិខ្មែរ មុខរបរលក់បាយ ស្នាក់នៅផ្ទះលេខ៤៧ ផ្លូវ៩២ ភូមិបន្លាស្អិត សង្កាត់ឃ្មួញ ខណ្ឌសែនសុខ ។
ប្រភពពីសមត្ថកិច្ចបានអោយដឹងថានៅមុនពេលកើតហេតុជនរងគ្រោះបានដាក់កាបូបលុយនៅលើតុលក់បាយហើយជនសង្ស័យបានអង្គុយហូបបាយនៅទីនោះខណះគាត់កំពង់តែរវល់ស្រាប់តែជនសង្ស័យខាងលើបានធ្វើសកម្មភាពលួចយកកាបូបនោះហើយដើរចេញបានប្រហែល២ម៉ែត្រប៉ុណ្នោះជនរងគ្រោះឃើញក៍ស្រែកថាចោរៗធ្វើអោយមានការភ្ញាក់ផ្អើលដល់សមត្ថកិច្ចនៅគោលដៅនោះជួយឃាត់ខ្លួនជនសង្ស័យយកមកប៉ុស្តិ៍នគរបាលរដ្ឋបាលសង្កាត់ឃ្មួញតែម្តង។
សម្ភារៈបាត់បង់គ្មាន ។ សម្ភារៈបន្សល់ទុក កាបូបស្ពាយ ០១ មានលុយខ្មែរ៧៣០.០០០រៀលប្រគល់ឲ្យេជនរងគ្រោះវិញ , ម៉ូតូ០១គ្រឿង ម៉ាកសេ១២៥ ពណ៌ខ្មៅ ផលិតឆ្នាំ២០១៩ ពាក់ស្លាកលេខកំពង់ចាម1U-8425 របស់ជនសង្ស័យ ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
