ភ្នំពេញ៖ សមាគមជាតិកាកបាទក្រហមកម្ពុជា មានការតក់ស្លុត និងសោកស្តាយយ៉ាងពន់ពេក ចំពោះហេតុការណ៍គ្រោះថ្នាក់ចរាចរណ៍ ដ៏គួរឱ្យរន្ធត់មួយ ដែលបានបណ្តាលឱ្យអ្នកធ្វើដំណើរយ៉ាងតិចចំនួន៥នាក់ បានស្លាប់យ៉ាងអាណោធអាធ័ម និងមួយចំនួនទៀតរងរបួសធ្ងន់ លើកំណាត់ផ្លូវជាតិលេខ៥ ម្ដុំវត្តក្បាលដំរី ឃុំអន្សារចំបក់ ស្រុកក្រគរ ខេត្តពោធិសាត់ ព្រំប្រទល់ខេត្តកំពង់ឆ្នាំង នៅវេលាម៉ោងជាង០៦ព្រឹក ថ្ងៃទី៨ ខែមករា ឆ្នាំ២០១៦។
នគរបាលបានបញ្ជាក់ថា រថយន្តស៊ីទែនដឹកសាំងរបស់ក្រុមហ៊ុន BVM បានបុករថយន្តតូរីស(លក្ខណៈគ្រួសារ)ពេញទំហឹង បណ្ដាលឱ្យក្រឡាប់ធ្លាក់ផ្លូវទាំង២គ្រឿង មានអ្នកស្លាប់ និងរងរបួសធ្ងន់ជាប់ក្រោមឡានជាច្រើននាក់៕
...
