ភ្នំពេញ ប្រជាពលរដ្ឋបានប្រទះឃើញបុរសម្នាក់វ័យប្រហែលជា៤០ឆ្នាំបានដេកស្លាប់​លើរ៉ឺម៉ករើសអេតចាយបង្កការភ្ញាក់ផ្អើលដល់សមត្ថកិច្ច ហេតុការណ៍នេះបង្កហេតុការណ៍នេះកើតឡើងកាលពីវេលាម៉ោង៩ និង៣០ នាទីព្រឹកថ្ងៃទី៥ខែមិនាឆ្នាំ២០២០ ស្ថិតនៅតាមបណ្ដោយផ្លូវ៤៣០ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ។

សពជនរងគ្រោះមិនត្រូវបានស្គាល់អត្តសញ្ញាណនៅឡើយទេ។

បើតាមប្រភពពីសមត្ថកិច្ចប៉ុស្តិ៍ទំនប់ទឹកបានឲ្យដឹងថា មុនពេលកើតហេតុដោយមានការរាយការណ៍ពីប្រជាពលរដ្ឋថាមានបុរសម្នាក់បានដេកស្លាប់នៅក្នុងរ៉ឺម៉ករើស​អេតចាយពេលនោះកម្លាំងនគរបាលប៉ុស្តិ៍បានចុះមកដល់ទីតាំងកន្លែងកើតហេតុក៏ឃើញសពជនរងគ្រោះបានដេកស្លាប់ពិតប្រាកដមែននិងបានរាយការណ៍ទៅខាងទៅជំនាញកោសល្យវិច័្ចយខណ្ឌចំការមនដើម្បីចុះមកពិនិត្យ

ពេលនោះសមត្ថកិច្ចជំនាញកោសល្យវិច័្ចយខណ្ឌចំការមនបានសហការជាមួយខាងជំនាញកោសល្យវិច័្ចយស្នងការនគរបាលរាជធានីភ្នំពេញដើម្បីចុះមកពិនិត្យទើបដឹងថាបុរសខាងលើស្លាប់ដោយសារតែមានជំងឺប្រចាំកាយ

ក្រោយមកលោកមេប៉ុស្តិ៍សហការជាមួយលោកចៅសង្កាត់បានហើយរថយន្តដឹកសព​យកទៅបូជានៅវត្តឫស្សីសាញ់ដោយសារតែជនរងគ្រោះគឺអត់មានអត្តសញ្ញាណនិងសាច់ញាតិនោះទេ៕