ភ្នំពេញ៖ លោកឃួង ស្រេងអភិបាលរាជធានីភ្នំពេញថា មកដល់ពេលនេះមានក្រុមហ៊ុនចំនួន២០ហើយ ដែលបានមកយកពាក្យដេញថ្លៃប្រមូលសំរាមនៅរាជធានីភ្នំពេញ ហើយកាលបរិច្ឆេតនៃការទទួលពាក្យដាក់ដេញថ្លៃនឹងបញ្ចប់នៅថ្ងៃទី៣១មិនា ឆ្នាំ២០២០ខាង មុខនេះ។
នេះបើតាមការបញ្ជាក់ឲ្យដឹងពីលោកឃួង ស្រេង ក្នុងកិច្ចប្រជុំសាមញ្ញលើកទី១០របស់ក្រុមប្រឹក្សារាជ ធានីភ្នំពេញអាណត្តិទី៣ កាលពីព្រឹកថ្ងៃទី១២មិនា នៅសាលារាជធានី ក្រោមអធិបតីភាព លោកប៉ា សុ ជាតិវង្ស ប្រធានក្រុមប្រឹក្សារាជធានីភ្នំពេញ,លោកឃួង ស្រេង អភិបាលរាជធានីភ្នំពេញ។
ពាក់ពន្ធ័នឹងការលើកឡើងរបស់សមាជិកក្រុមប្រឹ ក្សារាជធានីភ្នំពេញពាក់ព័ន្ធ បញ្ហាអនាម័យបរិស្ថានក្នុងទីក្រុង,ការពង្រឹងយន្តការសមាគម មនុស្សចាស់ដែលមានស្រាប់ ក្នុងសង្កាត់ទាំង១០៥ក្នុងរាជធានីភ្នំពេញអាជ្ញាធររាជធានីភ្នំពេញបានបង្ហាញថា រាជរដ្ឋាភិបាល បានបញ្ចប់សេវាប្រមូលសំរាមពីក្រុមហ៊ុនស៊ីនទ្រី និងកំពុងរៀបចំក្រុមហ៊ុនផ្សេងៗឲ្យចូលរួម ដេញថ្លៃតាមស្តង់ដារអន្តរជាតិ។
លោកហួត ហៃ អភិបាលរងរាជធានីភ្នំពេញទទួលបន្ទុកការងារខាងលើបានឲ្យដឹងថា មកដល់ ពេលនេះមានក្រុមហ៊ុនចំនួន២០ហើយបានមក យក ពាក្យដេញថ្លៃប្រមូលសំរាមនៅរាជធានីភ្នំពេញ ដែលកាលបរិច្ឆេតនៃការទទួលពាក្យដាក់ដេញថ្លៃនឹងបញ្ចប់នៅថ្ងៃទី៣១មិនា ឆ្នាំ២០២០ខាងមុខនេះ។
លោកបន្តថា នៅពេលខាងមុខ យើងនឹងរៀបចំការប្រមូលសំរាមជា៣តំបន់ក្នុងខណ្ឌទាំង១៤ក្នុងរាជធានីភ្នំពេញដោយក្នុងមួយតំបន់មាន១ក្រុមហ៊ុនជា អ្នកទទួលខុសត្រូវ។
លោកឃួង ស្រេង បានថ្លែងថា បញ្ហាអនាម័យជាបញ្ហាសំខាន់ ១ដែលរដ្ឋបាលរាជធានីភ្នំពេញបានយកចិត្តទុកដាក់ តែបញ្ហាចន្លោះប្រហោងនៅនៅតែមានដោយជៀសមិនផុត។តែយ៉ាងណារដ្ឋបាលរាជធានីភ្នំពេញសូមទទួលយកការលើកឡើងរបស់សមាជិកក្រុមប្រឹក្សារាជធានីភ្នំពេញ ដើម្បីបំពេញបន្ថែមនូវចំណុចខ្វះខាតលើការធ្វើអនាម័យ។
ពាក់ពន្ធ័នឹងការធ្វើសមាហរណ័មុខងាររបស់មន្ត្រីដើម្បីជំរុញការអនុវត្តគោលនយោបាយវិមជ្ឍការថ្នាក់ក្រោមជាតិដោយ ផ្ទេរទាំងមុខងារ,ធនធាន,ថវិកាគឺត្រូវមានការតាមដានត្រួតពិនិត្យជាប្រចាំ និងសំខាន់ទៀតនោះគឺការផ្តល់សេវាសាធារណៈជូនប្រជា ពលរដ្ឋឲ្យទាន់ពេលវេលា។
លោកប៉ា សុជាតិវង្ស បានកោតសរសើរចំពោះការខិតខំប្រឹងប្រែងរបស់រដ្ឋបាលរាជធានីភ្នំពេញក្នុងការធ្វើឲ្យប្រសើរឡើងដំណើរការអភិវឌ្ឍន៏រាជធានីភ្នំពេ ញនិងសុំឲ្យធ្វើការងារជាលក្ខណៈប្រពន្ធ័ដោយបន្ស៊ីគ្នារវាងរបាយការណ៍ និងការអនុវត្តជាក់ស្ដែង៕
ដោយ៖ សំរិត
