ទីក្រុងវ៉ាសុីនតោន៖ លោកដូណាល់ត្រាំដែលត្រូវបានចោទប្រកាន់ថាបានឆ្លងវីរុសcovid-19នៅល្ងាចថ្ងៃសុក្រ ទី១៣ ខែមីនា លោកបានប្រកាសរដ្ឋក្នុងភាពអាសន្ននៅក្នុងប្រទេសដើម្បីដោះស្រាយវិបត្ដិនេះ។ លោកបានថ្លែងសុន្ទរកថាមួយនៅសេតវិមានថា«ដើម្បីបញ្ចេញនូវអំណាចពេញលេញនៃធនធានរបស់រដ្ឋាភិបាលខ្ញុំសូមប្រកាសជាបន្ទាន់អំពីភាពអាសន្នរបស់ជាតិ។ លោកបានមានប្រសាសន៍ថា«ខ្ញុំនឹងបញ្ចេញទឹកប្រាក់ចំនួន៥០ពាន់លានដុល្លារសម្រាប់ការប្រយុទ្ធប្រឆាំងការរីករាលដាលនៃវីរុស covid-19។ ថវិកាចំនួន៥០ពាន់លានដុល្លារដែលត្រូវបានសម្របសម្រួលដោយសភាគ្រប់គ្រងគ្រោះមហន្ថរាយធម្មជាតិនិងទីភ្នាក់ងារគ្រប់គ្រងគ្រោះអាសន្នសហព័ន្ធហៅកាត់ថា FEMA(federal emergency management agency)។ ដូច្នេះទីក្រុងវ៉ាសុីនតោនអាចទាញយកមូលនិធិរហូតដល់៥០ពាន់លានដុល្លារដើម្បីជួយដល់អាជ្ញាធរមូដ្ឋាន។ ប្រធានាធិបតីរូបនេះបានបញ្ជាក់ថា «ការងាររបស់យើងគឺមិនគួរឲ្យជឿបើប្រៀបធៀបទៅនឹងប្រទេសដទៃទៀតបានធ្វើជាមួយនឹងការបិទព្រំដែន យើងមានសំណាង យើងនឹងជៀសផុតពីការគំរាមកំហែងនេះ»។ លោកបានបន្ថែមទៀតថា«ខ្ញុំសូមអំពាវនាវឲ្យរដ្ឋទាំងអស់បង្កើតមជ្ឈមណ្ឌលសង្រ្គោះបន្ទាន់និងមន្ទីពេទ្យដើម្បីរៀបចំផែនការត្រៀមសង្រ្គោះបន្ទាន់ដល់ប្រជាជនអាមេរិក។ យើងកំពុងប្រកាសភាពជាដៃគូថ្មីជាមួយវិស័យឯកជនដើម្បីបង្កើនសមត្ថភាពរបស់យើងក្នុងការធ្វើតេស្ដរកមេរោគឆ្លងវីរុសcovid-19 ខណៈដែលរដ្ឋាភិបាលរបស់លោកត្រូវបានគេរិះគន់ចំពោះភាពយឺតយ៉ាវដែលផ្ដល់សេវាការធ្វើតេស្ដផ្ដល់ជូនសាធារណជននៅក្នុងប្រទេស៕

ដោយ៖ម្លិះ