កម្លាំងនគរបាលប៉ុស្តិ៍ស្ទឹងមានជ័យ៣ ឃាត់ខ្លួនជនសង្ស័យម្នាក់រួមនិងថ្នាំញៀន១កញ្ចប់ធំ

ចែករំលែក៖

ភ្នំពេញ ៖ ជនសង្ស័យម្នាក់ត្រូវបានកម្លាំងនគរបាលប៉ុស្តិ៍ស្ទឹងមានជ័យ៣ ឃាត់ខ្លួនយកមកសួរនាំ ខណៈកម្លាំងនគរបាលចុះល្បាតក្នុងមូលដ្ឋាន ដោយមានការសង្ស័យឃាត់សួរនាំឆែកឆែរកឃើញថ្នាំញៀនមួយកញ្ចប់ធំនៅក្នុងខ្លួន។

ការឃាត់ខ្លួនជនសង្ស័យខាងលេីបានធ្វើឡើងកាលពីវេលាម៉ោង០៣ និង០០នាទីរសៀល ថ្ងៃទី១៥ ខែមិនា ឆ្នាំ២០២០ នៅតាមបណ្ដោយផ្លូវវេងស្រេង ភូមិដំណាក់ធំ៣ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ។

លោក ឯម ភារី នាយប៉ុស្តិ៍នគរបាលស្ទឹងមានជ័យ៣ បានឲ្យដឹងថា ជនសង្ស័យដែលកម្លាំងនគរបាលឃាត់ខ្លួនមានឈ្មោះ ពិន ឌីណា ភេទប្រុសអាយុ៣៨ឆ្នាំមុខរបនិងស្នាក់មិនពិតប្រាកដ ។

លោក ឯម ភារី បានបន្តទៀតថា មុនពេលឃាត់ខ្លួនជនសង្ស័យ គឺកម្លាំងនគរបាលប៉ុស្តិស្ទឹងមានជ័យ៣ បានធ្វើការចុះល្បាតនៅក្នុងមូលដ្ឋាន ខណៈមកដល់ចំណុចកើតហេតុបានប្រទះឃើញជនសង្ស័យជិះម៉ូតូមួយគ្រឿងម៉ាក ហុងដា ឌ្រីម ពាក់ស្លាកលេខតាកែវ 1E-1330ដោយមានការសង្ស័យក៏ឃាត់សួរនាំឆែកឆេ រកឃើញគ្រឿងញៀន១កញ្ចប់ធំ រួចក៏ឃាត់មកធ្វើការសាកសួរនៅប៉ុស្តិនគរបាលស្ទឹងមានជ័យ៣តែម្ដង។

បច្ចុប្បន្ន ជនសង្ស័យរួមទាំងវត្ថុតាងត្រូវបានសមត្ថកិច្ចធ្វើការសាកសួរនិងកសាងសំណុំរឿងដើម្បីបញ្ជួនទៅអធិការដ្ឋាននគរបាលខណ្ឌមានជ័យចាត់ការបន្តតាមនិតិវិធីច្បាប់៕ដោយ៖ ភារ៉ា ដង្កោ