លោក Fernando Martin អតីតប្រធានក្លិប Real Madrid កំពុងស្ថិតក្នុងស្ថានភាពធ្ងន់ធ្ងរដោយវីរុសកូរ៉ូណា
លោក Fernando Martin អតីតប្រធានក្លិប Real Madrid ដែលធ្លាប់ជាអ្នកគ្រប់គ្រងក្លិបស្តេចស Real Madrid បណ្តោះអាសន្ន បច្ចុប្បន្នមានអាយុ៧២ឆ្នាំ កំពុងផ្ទុកវីរុស COVID-19 ឬ កូរ៉ូណា ហើយកំពុងស្នាក់នៅមន្ទីរពេទ្យក្នុងទីក្រុង Madrid ប្រទេសអេស្ប៉ាញ ។
អ្នកគ្រប់គ្រងរូបនេះធ្លាប់ជួសតំណែងលោក Perez បច្ចុប្បន្នកាលពីឆ្នាំ២០០៦ ជាប្រធានក្លិបទីពីរហើយរបស់ក្លិប Real Madrid ដែលបានឆ្លងជំងឺដ៏កាចសាហាវ កំពុងមានស្ថានភាពធ្ងន់ធ្ងរខ្លាំងក្នុងសប្តាហ៍នេះ។
សូមបញ្ជាក់ថា អតីតប្រធានក្លិបស្តេចស Real Madrid លោក Lorenzo Sanz ដែលធ្លាប់គ្រប់គ្រងក្លិបចន្លោះឆ្នាំ១៩៩៥ និងឆ្នាំ២០០០ បានផ្ទុកវីរុសCOVID-19 និងជំងឺប្រចាំកាយផងនោះ បានបាត់បង់ជីវិត ដែលធ្វើឲ្យមជ្ឈដ្ឋានវិស័យបាល់ទាត់នៅអេស្ប៉ាញមានការសោកស្តាយយ៉ាងខ្លាំងពីការបាត់បង់រូបលោកផងដែរ ៕
