ភ្នំពេញ៖ ដោយគ្រាន់តែសួរពីរទៅបី ម៉ាត់រឿងកង់ម៉ូតូធូរបានធ្វើឱ្យយុវជនម្នាក់ ត្រូវក្រុមសន្ដិសុខ ដូចជាអ្នកលេងនាំគ្នា ព្រួតវាយដោយបំពង់ទីព ទៅលើជនរង គ្រោះបណ្ដាលឱ្យបែកក្បាលដេរជាច្រើន ថ្នេរ និងរងរបួសដៃខាងឆ្វេងរបួសជា ទម្ងន់ ដោយគ្រាន់តែសួររឿងកង់ម៉ូតូ ហេតុអ្វីបានជាធូរទាំងមុខទាំងក្រោយ?
ហេតុការណ៍ខាងលើនេះបានកើតឡើង កាលពីវេលាម៉ោង៤និង២០រសៀល ថ្ងៃ ទី១០ ខែមករា ឆ្នាំ២០១៦ ឋិតនៅក្នុង បរិវេណនៃទីតាំងកន្លែងផ្ញើកង់ក្នុងផ្សារ ធំទួលសង្កែ ហៅផ្សារសាំផាន់ ។
ជនរងគ្រោះត្រូវបានមិត្ដភក្ដិ និងគ្រួ សារដឹកយកមកកាន់មន្ទីរពេទ្យព្យាបាល របួស រីឯជនដៃដល់រហូតមកដល់ពេល នេះសមត្ថកិច្ចមិនទាន់មានចំណាត់ការ កោះហៅមកសួរនាំដើម្បីរកយុត្ដិធម៌ឱ្យ ជនរងគ្រោះនៅឡើយទេ ។
យុវជនរងគ្រោះត្រូវបានគេស្គាល់ ឈ្មោះ ធាត់ ណារ៉ុង អាយុ១៥ឆ្នាំ មាន ទីលំនៅផ្ទះជួល សង្កាត់ទួលសង្កែ ខណ្ឌ ឫស្សីកែវ មានស្រុកកំណើតភូមិមាន់ ១០ ឃុំមានជ័យ ស្រុកស្រីសន្ធរ ខេត្ដ កំពង់ចាម ។
បើតាមការរៀបរាប់ពីជនរងគ្រោះ បានបញ្ជាក់ថា នៅមុនពេលកើតហេតុ ខ្លួនបានជិះម៉ូតូ១គ្រឿងជាមួយមិត្ដភក្ដិ ចូលទៅក្នុងទីតាំងផ្សារធំទួលសង្កែ ហៅ ផ្សាសាំផាន់ រួចក៏បានយកម៉ូតូនោះទៅ ផ្ញើ ខ្លួនតែងមានទម្លាប់ចាក់សោ.ក ដោយ ខ្លាចបាត់ ។ ភ្លាមៗនោះក៏បានឡើងទៅ ជាន់លើជាមួយមិត្ដភក្ដិដើម្បីលេងស្គី ខណៈលេងរួចរាល់ ក៏បានចុះមកខាង ក្រោមវិញ ហុចសំបុត្រអូសយកម៉ូតូ របស់ខ្លួនចេញ ស្រាប់តែឃើញកង់មុខ និងក្រោយធូរ ក៏សួរទៅកាន់សន្ដិសុខ និង អ្នកមើលការខុសត្រូវ ស្រាប់តែពួកគេ ឆ្លើយមកថា ពួកហ្អែងមិនដឹងកំហុសទេ ផ្ញើម៉ូតូហើយមិនចាំបាច់ចាក់សោ.ក ខណៈនោះជនរងគ្រោះក៏ឆ្លើយតបទៅវិញ នេះជាទម្លាប់របស់ខ្ញុំ ស្រាប់តែក្រុមសន្ដិ សុខដែលមានជាស្រវឹងនៅក្នុងខ្លួនផង នោះ ក៏បានទាញបំពង់ទីបវាយទៅលើ ជនរងគ្រោះបណ្ដាលឱ្យបែកក្បាលនិង រងរបួសដៃ ហើយឌឺឱ្យទៅប្ដឹងថែមទៀត ។
នៅព្រឹកថ្ងៃទី១១ ខែមករា ឆ្នាំ២០១៦ ជនរងគ្រោះបានដាក់ពាក្យបណ្ដឹងតាំងពី ថ្ងៃកើតហេតុ តែសមត្ថកិច្ចហាក់បីដូច ជាមិនរវីរវល់ ព្រោះរវាងអ្នកគ្រប់គ្រង ផ្សារ និងនគរបាលប៉ុស្ដិ៍ធ្លាប់សើមមាត់ សើមកនឹងគ្នា ៕
ដោយ៖ អារុណរះ
