បន្ទាប់ពីអ៊ីរ៉ង់ អ៊ីរ៉ាក់ ដល់ពេលអាហ្វហ្គានីស្ថានត្រូវដោះលែងអ្នកទោស ដើម្បីទប់ស្កាត់ការឆ្លងវីរុសកូវីដ-១៩

ចែករំលែក៖

ប្រទេសជុំវិញពិភពបង្ហាញក្តីបារម្ភយ៉ាងខ្លាំង​ ក្រោយការឆ្លងរាលដាលនៃជំងឺផ្លូវដង្ហើមកាន់តែខ្លាំងឡើង​ពីមួយថ្ងៃទៅមួយថ្ងៃ​។ អ្វីដែលបារម្ភនោះគឺអ្នកទោស រស់នៅចង្អៀត​ក្នុងគុក ហើយបើមានអ្នកឆ្លង កូវីដ-១៩​និងរាលដាល់ពេញទាំងអស់ ។ 

កត្តាទាំងនោះហើយបានជាអ៊ីរ៉ង់ សម្រេចដោះលែងអ្នកទោសជិត១សែននាក់ ទាំងទោសស្រាល​ ដែលត្រូវជាប់គុក​ក្រោម​៥ឆ្នាំ។ ការដោះលែងគឺដើម្បីកាត់បន្ថយចំនួនអ្នកទោស​បញ្ចៀសការឆ្លងវីរុសកូវីដ-១៩ ។ ចំណែកនៅអាហ្វហ្គានីស្ថានវិញខុសពីប្រទេសអ៊ីរ៉ង់ អ្នកទោសមានវ័យចាប់ពី​៥៥ឆ្នាំឡើងនឹងត្រូវដោះលែង ។

រដ្ឋាភិបាលអាហ្វហ្គានីស្ថានបានសម្រេចដោះលែងអ្នកទោស​១ម៉ឺននាក់  ដែលមានអាយុចាប់ពី​៥៥ឆ្នាំឡើងទៅ​ដើម្បីទប់ស្កាត់ការឆ្លងរាលដាលកូវីដ-១៩​។​មនុស្សមានវ័យចាស់ ប្រឈមនឹងគ្រោះថ្នាក់ខ្លាំងជាងគេបើឆ្លងកូវីដ-១៩ ។

​មន្ត្រីប្រចាំការិយាល័យប្រធានាធិបតី​ Ashraf Ghani កាលពីថ្ងៃទី​២៦ ខែមីនា បានប្រកាស​«ប្រធានាធិបតី​ បានចេញបញ្ជាដោះលែងអ្នកទោស​មានវ័យចាប់ពី​៥៥ឆ្នាំឡើងទៅដើម្បីទប់ស្កាត់ការឆ្លងរាលដាល​កូវីដ-១៩។

សារព័ត៌មានរ៉យទ័របានផ្សាយថា ​អ្នកទោសដែលត្រូវដោះលែង ​មិនមានក្រុមតាលីបង់  ឬក្រុមភេរវកម្ម IS នោះឡើយ។ អ្នកទោសដែលដោះលែងគឺជាជនស៊ីវិល អាហ្វហ្វគានីស្ថាន ដែលមានទោសស្រាល​។ អ្នកទោសដែលមានបញ្ហាសុខភាព ស្ត្រី ក៏ត្រូវបានដោះលែងផងដែរ ។

គិតដល់ថ្ងៃទី​២៧ខែមីនានេះ នៅទូទាំងប្រទេសអាហ្វហ្គានិស្ថាន មានអ្នកឆ្លងកូវីដ​៩៤នាក់   និង​ស្លាប់​៤នាក់ ។ អាហ្វហ្គានីស្ថាន បានរិតត្បិតការធ្វើដំណើរផងដែរ ដើម្បីទប់ស្កាត់ការឆ្លងរាលដាលជំងឺដ៏សហាវមួយនេះ​​ ៕

...


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print