ខេត្តព្រះសីហនុ ៖ ​ បុគ្គលិកចែកបៀរនៅកាស៊ីណូតោមាស ត្រូវគេឃើញស្លាប់ ដោយសារចងកនៅក្នុងបន្ទប់ស្នាក់នៅរបស់បុគ្គលិកនៃអគារកាស៊ីណូ ដែលមិនបន្សល់ទុកតម្រុយដល់ការស្រាវជ្រាវសមត្ថកិច្ចឡើយ ខណៈមិត្តភក្តិជន​រងគ្រោះថា ជាមនុស្សមានវិបត្តិផ្លូវចិត្ត ។

ករណីនេះកើតឡើង នៅចំណុចអាគារស្នាក់នៅរបស់បុគ្គលិកបន្ទប់លេខ​៦៦០២ ជាន់ទី៦ ក្រុម២ ភូមិ១ សង្កាត់លេខ៣ ក្រុងព្រះសីហនុ កាលពីព្រឹកថ្ងៃទី៣១ខែមិនាឆ្នាំ២០២០ ។

មន្ត្រីកងរាជអាវុធហត្ថខេត្តព្រះសីហនុបានឲ្យដឹងថា ជនរងគ្រោះឈ្មោះ វ៉ន ភារិត ភេទប្រុស អាយុ២៦ឆ្នាំ ជនជាតិខ្មែរ  បុគ្គលិកផ្នែកចែកបៀរនៅ​កាសុីណូកំសាន្តតោមាស មានស្រុកកំណេីត ស្រុកបារាយ ខេត្តកំពង់ធំ បច្ចុប្បន្នស្នាក់នៅកន្លែងកេីតហេតុ។

ក្រោយពីនគរបាលបច្ចេកទេសវិទ្យសាស្រ្ត បានត្រួតពិនិត្យ នឹងធ្វេីកោសល្យ​វិច្ចយ័ រួចមកបានបញ្ជាក់ថា ជនរងគ្រោះពិតជាបានចងកសម្លាប់ខ្លួនប្រាកដមែន ។ ប៉ុន្តែបេីតាមមិត្តភក្តិស្នាក់នៅជាមួយប្រាប់ថា ជនរងគ្រោះមានវិបត្តិផ្លូវចិត្ត ។

បច្ចុប្បន្ន ខាងនគរបាលជំនាញបានប្រគល់សាកសពអោយក្រុមគ្រូសារយកទៅធ្វេីបុណ្យនៅស្រុកកំណេីត ៕ ឆ្លាមសមុទ្រ