ភ្នំពេញ៖យុវជនប្រុសស្រី៣នាក់ជិះម៉ូតូតាមផ្លូវត្រូវ ជនសង្ស័យមួយក្រុមជិះម៉ូតូ៥គ្រឿងមកធ្វើសកម្មភាព វាយបណ្ដាលឲ្យរបួសប្លន់យកទូរសព្ទ័ដៃអស់ចំនួន៤គ្រឿង រួចនាំគ្នាជិះម៉ូតូគេចខ្លួនបានដោយសុវត្ថិភាព។
ហេតុការណ៍នេះកើតឡើងកើតឡើងនៅម៉ោង២និង៥០នាទីរំលងអធ្រាត្រចូល ថ្ងៃអាទិត្យ ទី៥ ខែមេសា ឆ្នាំ២០២០ នៅតាមបណ្ដោយផ្លូវលេខ១៨២ ស្ថិតនៅក្នុងសង្កាត់អូឬស្សីទី២ ខណ្ឌ៧កមរា រាជធានីភ្នំពេញ។
ជនរងគ្រោះទាំង៣នាក់មិនត្រូវបានស្គាល់អត្តសញ្ញាណនោះទេ ដោយពួកគេជិះម៉ូតូមួយគ្រឿងម៉ាកហុងដា ស៊ូម័រ អិច ពណ៌ទឹកក្រូចលាយស ពាក់ស្លាកលេខភ្នំពេញ1GN-5884 ។
បើតាមសម្ដីជនរងគ្រោះបានឲ្យដឹងថា មុនពេលកើតហេតុរូបគេមានគ្នា៣ជិះម៉ូតូចេញពីម្ដុំវត្តបុទុម ក្នុងគោលបំណងត្រឡប់ទៅផ្ទះនៅចំការដូងដោយធ្វើដំណើរតាមបណ្ដោយផ្លូវលេខ១៨២ ខណៈខណៈមកដល់ចំណុចកើតហេតុស្រាប់តែមានជនសង្ស័យមួយក្រុមជិះម៉ូតូ៥គ្រឿងមានគ្នាជាច្រើននាក់មកពីក្រោយធ្វើសកម្មភាព វាយពួកគេបណ្ដាលឲ្យរបួសបែកក្បាល២នាក់រួចហើយបានប្លន់យកទូរសព្ទ័៤គ្រឿង រួចជិះម៉ូតូគេចខ្លួនដោយសុវត្តិភាព ដោយមិនរំខាន់ដល់សមត្ថកិច្ចឡើយ។
បន្ទាប់ពីកើតហេតុ សមត្ថកិច្ចចុះមកដល់កន្លែងកើតហេតុបានត្រឹមតែមកនាំជនរងគ្រោះយកទៅអោយដាក់ពាក្យបណ្ដឹងនៅប៉ុស្តិ៍នគរបាល អអូរឬស្សីទី៣ ៕ជ្រោយពេជ្រ
